ନୂଆଦିଲ୍ଲୀ,୨୬।୧୦ : ସମଗ୍ର ବିଶ୍ୱରେ କରୋନାର ବିପର୍ଯ୍ୟୟକୁ ଦୃଷ୍ଟିରେ ରଖି ବର୍ତ୍ତମାନ ଭାରତ ସରକାର ପରବର୍ତ୍ତୀ ସମ୍ଭାବ୍ୟ ମହାମାରୀ ମୁକାବିଲା ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଏସମ୍ପର୍କରେ ଜାତୀୟ ଟିକାକରଣ ବୈଷୟିକ ପରାମର୍ଶଦାତା ଗୋଷ୍ଠୀର ମୁଖ୍ୟ ଡାକ୍ତର ଏନ.କେ ଆରୋରା ସୂଚନା ପ୍ରଦାନ କରିଛନ୍ତି।
ସେ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର ମହାମାରୀ ସୃଷ୍ଟି କରୁଥିବା ଭୂତାଣୁ ଚିହ୍ନଟ କରିବା ପାଇଁ ଏକ କାର୍ଯ୍ୟକ୍ରମ ପାଇଁ ଯୋଜନା ପ୍ରସ୍ତୁତ କରୁଛନ୍ତି।
ଦେଶ ଏହାର ସ୍ବାସ୍ଥ୍ୟସେବା ଭିତ୍ତିଭୂମିକୁ ମଜବୁତ କରୁଥିବାବେଳେ ଏହାର ନୀରିକ୍ଷଣ ବ୍ୟବସ୍ଥାକୁ ମଧ୍ୟ ସର୍ବୋଚ୍ଚ କରାଯାଉଛି। ଦେଶରେ ଖୁବ ଶୀଘ୍ର ଏକ କାର୍ଯ୍ୟକ୍ରମ ଆରମ୍ଭ ହେବ, ଯାହା ଭାରତକୁ ନୂତନ ସମ୍ଭାବ୍ୟ ଭୂତାଣୁ ଚିହ୍ନଟ କରିବାରେ ସାହାଯ୍ୟ କରିବ।
ସେ କହିଛନ୍ତି ଯେ ବର୍ତ୍ତମାନ ପର୍ଯ୍ୟନ୍ତ ସମଗ୍ର ବିଶ୍ୱରେ ୭୦ ରୁ ଅଧିକ ସବ-ଭାରିଆଣ୍ଟ ଚିହ୍ନଟ ହୋଇସାରିଛି । ଏହା ପରେ, ମନିଟରିଂ ମେକାନିଜମକୁ ମଜବୁତ କରିବା ଏବଂ ଦୃଢ଼ ନୀତି ଆପଣେଇବାର ଏହା ହେଉଛି ଏକ କାରଣ । ଆମେ ଏହା ଉପରେ କାର୍ଯ୍ୟ କରୁଛୁ।
ଆରୋରା କହିଛନ୍ତି ଯେ ମହାମାରୀ ନେଇ ଭାରତର ସର୍ଭେଲାନ୍ସ ଡ୍ରାଇଭ ଅତ୍ୟନ୍ତ ସମ୍ବେଦନଶୀଳ। ସେ କହିଛନ୍ତି ଯେ କରୋନା ଆମ ଚାରିପାଖରେ ଅଛି। ଆରୋରା କହିଛନ୍ତି ଯେ ମୋର ଏକମାତ୍ର ପରାମର୍ଶ ହେଉଛି କରୋନା ବିରୋଧରେ ମାର୍ଗଦର୍ଶିକା ବଜାୟ ରଖିବା ଏବଂ ଏଥିରୁ ଦୂରେଇ ରହିବା ପାଇଁ ହାତ ଧୋଇବା ଏବଂ ମାସ୍କ ପିନ୍ଧିବା ନିୟମ ପାଳନ କରିବା।
