ନୂଆଦିଲ୍ଲୀ,୧୦।୧୨ : ଆର୍ଟନ କ୍ୟାପିଟାଲ ୨୦୨୨ ରେ ଦୁନିଆର ସବୁଠାରୁ ଶକ୍ତିଶାଳୀ ଏବଂ ଦୁର୍ବଳ ପାସପୋର୍ଟ ଥିବା ଦେଶଗୁଡିକର ତାଲିକା ପ୍ରକାଶ କରିଛି। ଏହି ତାଲିକାରେ ୟୁଏଇର ପାସପୋର୍ଟ ସବୁଠାରୁ ଶକ୍ତିଶାଳୀ ବୋଲି କୁହାଯାଉଛି। ଏହି ତାଲିକାରେ ଭାରତର ପାସପୋର୍ଟ ୬୯ ତମ ସ୍ଥାନରେ ରହିଛି। ଏଥି ସହିତ ପାକିସ୍ତାନ ୯୪ ତମ ସ୍ଥାନରେ ଏବଂ ବାଂଲାଦେଶ ୯୨ ତମ ସ୍ଥାନରେ ରହିଛି। ଏହି ତାଲିକାରୁ ଏହା ଜଣା ଯାଇଥାଏ ଯେ କେଉଁ ଦେଶର ନାଗରିକମାନେ କେଉଁ ଦେଶରେ ଭିଜା ମୁକ୍ତ ପ୍ରବେଶ କରିପାରିବେ।
ଭାରତୀୟ ନାଗରିକମାନେ ଭିଜା ବିନା ୨୪ ଦେଶରେ ପ୍ରବେଶ କରିପାରିବେ। ଯେତେବେଳେ କି
୪୮ ଟି ଦେଶରେ ଭାରତୀୟ ନାଗରିକମାନେ ଭିଜା ସୁବିଧା ପାଇବେ ।୧୨୬ ଟି ଦେଶକୁ ଯିବାକୁ ଭାରତର ନାଗରିକମାନେ ଭିଜା ଆବଶ୍ୟକ କରିବେ।
ଏହି ତାଲିକାରେ ପାକିସ୍ତାନ ୯୪ ତମ ସ୍ଥାନରେ ରହିଛି। ଏଠାରେ ନାଗରିକମାନେ କେବଳ ୧୦ ଟି ଦେଶରେ ଭିଜା ମୁକ୍ତ ପ୍ରବେଶ ପାଇପାରିବେ। ଅପରପକ୍ଷରେ ପାକିସ୍ତାନ ନାଗରିକମାନେ ୧୫୪ ଟି ଦେଶରେ ପ୍ରବେଶ ପାଇଁ ଭିଜା ଆବଶ୍ୟକ ହେବ।
ଶକ୍ତିଶାଳୀ ପାସପୋର୍ଟ ଥିବା ଦେଶ ତାଲିକାରା ଦ୍ୱିତୀୟସ୍ଥାନରେ ଜର୍ମାନୀ, ଇଟାଲୀ, ଫ୍ରାନ୍ସ, ସ୍ପେନ, ଲକ୍ସେମବର୍ଗ ଏବଂ ଉତ୍ତର କୋରିଆ ଭଳି ୧୦ ଟି ୟୁରୋପୀୟ ଦେଶ ସହିତ ମୋଟ ୧୧ ଟି ଦେଶ ଅଛନ୍ତି। ଏହି ସମସ୍ତ ଦେଶର ନାଗରିକମାନେ ୧୨୬ ଟି ଦେଶରେ ଭିଜା ବିନା ପ୍ରବେଶ କରିପାରିବେ। ଯେଉଁଠାରେ ୪୭ ଟି ଦେଶରେ ଭିଜା ଆବଶ୍ୟକ ହେବ।
ଆର୍ଟନ କ୍ୟାପିଟାଲ ଦ୍ୱାରା ପ୍ରକାଶିତ ଏହି ତାଲିକାରେ ଆମେରିକା ଏବଂ ବ୍ରିଟେନ ଯଥାକ୍ରମେ ତୃତୀୟ ଏବଂ ଚତୁର୍ଥ ସ୍ଥାନରେ ରହିଛନ୍ତି।
ମିଳିତ ଜାତିସଂଘରେ ଅନ୍ତର୍ଭୁକ୍ତ ୧୩୯ ଦେଶ ମଧ୍ୟରୁ ୨୦୨୨ ମସିହାରେ ୟୁଏଇର ପାସପୋର୍ଟକୁ ସବୁଠାରୁ ଶକ୍ତିଶାଳୀ ବୋଲି ବର୍ଣ୍ଣନା କରାଯାଇଛି। ୟୁଏଇ ନାଗରିକମାନେ ସହଜରେ ୧୮୦ଟି ଦେଶରେ ଭିଜା ବିନା ପ୍ରବେଶ କରିପାରିବେ।