ନୂଆଦିଲ୍ଲୀ,୨୨ ।୧୦: ପାକିସ୍ତାନକୁ ଏଫଏଟିଏଫର ଗ୍ରେ ଲିଷ୍ଟରୁ ବାହାର କରି ଦିଆଯାଇଛି । ଏହାକୁ ନେଇ ଭାରତୀୟ ବୈଦେଶିକ ମନ୍ତ୍ରଣାଳୟ ତା’ର ପ୍ରତିକ୍ରିୟା ରଖିଛି ବୈଦେଶିକ ମନ୍ତ୍ରଣାଳୟର ପ୍ରବକ୍ତା ଅରିନ୍ଦମ ବାଗଚି କହିଛନ୍ତି, ଆମେ ଏଫଏଟିଏଫ ବୈଠକରେ ପାକିସ୍ତାନ ସନ୍ଦର୍ଭରେ ନିଆଯାଇଥିବା ନିଷ୍ପତ୍ତିକୁ ଦେଖିଛୁ । ଆମେ ଭାବୁଛୁ ପାକିସ୍ତାନ ଏସିଆ ପ୍ରଶାନ୍ତ ସମୁହ ସହ ମିଶି ମନି ଲଣ୍ଡରିଂ ଓ ଟେରର ଫାଇନାସିଂ ବିରୋଧରେ ନିଜ ବ୍ୟବସ୍ଥାକୁ ମଜଭୁତ କରିବ ।
ବୈଦେଶିକ ବ୍ୟାପାର ମନ୍ତ୍ରଣାଳୟ କହିଛି ଏଫଏଟିଏଫ କାର୍ଯ୍ୟର ଚାପ ଥିଲା ଯେ କୁଖ୍ୟାତ ଆତଙ୍କବାଦୀଙ୍କ ବିରୋଧରେ ପାକିସ୍ତାନକୁ କିଛ ପଦକ୍ଷେପ ନେବାକୁ ପଡିବ । ଏଥିରେ ମୁମ୍ବାଇ ଆକ୍ରମଣରେ ସାମିଲ ଥିବା ଆତଙ୍କବାଦୀ ମଧ୍ୟ ସାମିଲ ଅଟନ୍ତି । ଏହା ବିଶ୍ୱର ସ୍ୱାର୍ଥରେ ଓ ବିଶ୍ୱ ସ୍ପଷ୍ଟ ହେବ ଯେ ପାକିସ୍ତାନର ତା’ର ନିୟନ୍ତ୍ରଣରେ ଥିବା ଅଞ୍ଚଳରୁ ବାହାରୁଥିବା ଆତଙ୍କବାଦୀଙ୍କ ବିରୋଧରେ ଠୋସ ଓ ପ୍ରଭାବଶାଳୀ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ ।
ସୂଚନାଯୋଗ୍ୟ, ଏଫଏଟିଏଫ ହେଉଛି ଏକ ବିଶ୍ୱସ୍ତରୀୟ ସଙ୍ଗଠନ ଯାହା ଆତଙ୍କବାଦୀଙ୍କୁ ଆର୍ଥିକ ସହାୟତା ଓ ମନି ଲଣ୍ଡରିଂ ଉପରେ ନଜର ରଖିଥାଏ । ପ୍ରାୟ ୪ ବର୍ଷ ପୂର୍ବ ପାକିସ୍ତାନକୁ ଏଫଏଟିଏଫର ଗ୍ରେ ଲିଷ୍ଟ ବା ଧୂଷର ତାଲକାରେ ରଖାଯାଇଥିଲା । ଏହାସହ ଏଫଏଟିଏଫ ପ୍ରଥମଥର ଲାଗି ମ୍ୟାନମାରକୁ ଏହାର କଳା ତାଲିକାରେ ଅନ୍ତର୍ଭୁକ୍ତ କରିଛି ।