ଅହମ୍ମଦାବାଦ,୧୧।୨: ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଶୁକ୍ରବାର ଚାଲିଥିବା ଭାରତ-ଓ୍ବେଷ୍ଟଇଣ୍ଡିଜ ମ୍ୟାଚର ଶେଷ ଦିନିକିଆରେ ଭାରତ ୫୦ ଓଭରରେ ୨୬୫ ରନ୍ କରିଛି। ଫଳରେ ଓ୍ବେଷ୍ଟଇଣ୍ଡିଜକୁ ବିଜୟ ପାଇଁ ୨୬୬ ରନ୍ର ଟାର୍ଗେଟ ରହିଛି।
ଟସ୍ ଜିତି ଅଧିନାୟକ ରୋହିତ ଶର୍ମା ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ । ଓପନିଂ ଯୋଡି ଭାବେ ଓହ୍ଲାଇଥିଲେ ଶିଖର ଧାୱନ ଓ ଅଧିନାୟକ ରୋହିତ। ହେଲେ ଦଳ ମାତ୍ର ୪୨ ରନ୍ରେ ଟପ-୩ ବ୍ୟାଟ୍ସମ୍ୟାନଙ୍କୁ ହରାଇ ଅଡୁଆରେ ପଡିଯାଇଥିଲା। ହେଲେ ଶ୍ରେୟାସଙ୍କ ୮୦ ରନ୍ ଓ ରିଷଭଙ୍କ ୫୬ ରନ୍ର ଇଂନିସ ଫଳରେ ଦଳର ସ୍କୋର ଆଗକୁ ବଢିଥିଲା ।
ଶେଷ ଆଡକୁ ୱାସିଂଟନ ସୁନ୍ଦର ୩୩ ରନ୍ ଓ ଦୀପକ ଚହର ୩୮ ରନ୍ର ସହଯୋଗ ବଳରେ ଦଳ ୫୦ ଓଭରରେ ୨୬୫ ରନ୍ କରିଥିଲା। ୱେଷ୍ଟଇଣ୍ଡିଜ ପକ୍ଷରୁ ଜାସନ ହୋଲଡର ୪ଟି ଉଇକେଟ ନେଇଥିବା ବେଳେ ଜୋସେଫ ଓ ହେଡେନ ୨ଟି ଲେଖାଏ ସଫଳତା ପାଇଥିଲେ। ଓଡେନ ସ୍ମିଥ ଗୋଟିଏ ଉଇକେଟ ନେଇଥିଲେ।