କଲମ୍ବୋ,୩୦।୭: ଶ୍ରୀଲଙ୍କା ବିପକ୍ଷ ତୃତୀୟ ଟି -୨୦ ମ୍ୟାଚରେ ଭାରତୀୟ ଦଳ ଏକ ଲଜ୍ଜାଜନକ ରେକର୍ଡ ସୃଷ୍ଟି କରିଛି। ଏହି ମ୍ୟାଚ୍ରେ ଶ୍ରୀଲଙ୍କା ଟିମ ଇଣ୍ଡିଆକୁ ୮ ଉଇକେଟ ହରାଇ ମାତ୍ର ୮୧ ସ୍କୋରରେ ସୀମିତ ରଖିଥିଲା। ଶ୍ରୀଲଙ୍କା ବିପକ୍ଷ ଟି -୨୦ ମ୍ୟାଚରେ ଏହା ଭାରତର ସର୍ବନିମ୍ନ ସ୍କୋର। ଉଲ୍ଲେଖଥାଉ କି, ଟି-୨୦ ଅନ୍ତର୍ଜାତୀୟ ମ୍ୟାଚରେ ଏହା ହେଉଛି ଭାରତର ତୃତୀୟ ସର୍ବନିମ୍ନ ସ୍କୋର। ଟି-୨୦ରେ ଭାରତର ସର୍ବନିମ୍ନ ରେକର୍ଡ ହେଉଛି ୭୪, ଯାହା ୨୦୦୮ ରେ ଅଷ୍ଟ୍ରେଲିଆ ବିପକ୍ଷରେ କରିଥିଲା ଭାରତ।
ଭାରତ ଏବଂ ଶ୍ରୀଲଙ୍କା ମଧ୍ୟରେ ଚାଲିଥିବା ତୃତୀୟ ଟି -୨୦ ମ୍ୟାଚ କଲମ୍ବୋରେ ଖେଳାଯାଇଥିଲା। ଭାରତୀୟ ଅଧିନାୟକ ଶିଖର ଧାୱନ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲେ। ଅନ୍ୟପକ୍ଷରେ ଶ୍ରୀଲଙ୍କା ବୋଲରମାନେ ଭାରତୀୟ ଦଳକୁ ଏତେ କମ ସ୍କୋରରେ ସୀମିତ ରଖିବା ପାଇଁ ଯଥାସମ୍ଭବ ଚେଷ୍ଟା କରିଥିଲେ। ଭାରତୀୟ ଦଳ ଏହି ମ୍ୟାଚରେ ୨୦ ଓଭରରେ ୮ ଉଇକେଟ୍ ହରାଇ ମାତ୍ର ୮୧ ରନ୍ କରିଥିଲା। କୁଲଦୀପ ଯାଦବ ଭାରତ ପାଇଁ ସର୍ବାଧିକ ରନ ସଂଗ୍ରହ କରିଥିଲେ। ସେ ୨୮ ବଲରୁ ୨୩ ରନରେ ଅପରାଜିତ ରହିଥିଲେ। ଦଳର ଦ୍ୱିତୀୟ ଶ୍ରେଷ୍ଠ ସ୍କୋରର ମଧ୍ୟ ବୋଲିଂ ପାଇଁ ଜଣାଶୁଣା ଭୁବନେଶ୍ୱର କୁମାର ଥିଲେ। ସେ ୩୨ ବଲରୁ ୧୬ ରନର ଇନିଂସ ଖେଳିଥିଲେ।
