ଟରଣ୍ଟୋ,୨୬।୩ : ଭାରତ କାନାଡାର ହାଇ କମିଶନରଙ୍କୁ ଜବାବ ତଲବ କରିଛି। କାନାଡାର କୂଟନୈତିକ ମିଶନ ଏବଂ କନସୁଲେଟ ବିରୋଧରେ ବିଚ୍ଛିନ୍ନତାବାଦୀ ତଥା ଉଗ୍ରବାଦୀ ଉପାଦାନଗୁଡ଼ିକର କାର୍ଯ୍ୟକଳାପକୁ ନେଇ ଭାରତ ଉଦବେଗ ପ୍ରକାଶ କରିଛି।
ବୈଦେଶିକ ବ୍ୟାପାର ମନ୍ତ୍ରଣାଳୟ ଏକ ବିବୃତ୍ତିରେ କହିଛି ଯେ ଶନିବାର ଭାରତ ସରକାର ଏହାର କୂଟନୈତିକ ମିଶନ ଏବଂ କନସୁଲେଟର ସୁରକ୍ଷାକୁ କିପରି ଉଲ୍ଲଂଘନ କରିବାକୁ ଅନୁମତି ଦିଆଯାଇଛି ସେ ସମ୍ପର୍କରେ ସ୍ପଷ୍ଟୀକରଣ ମାଗିଛନ୍ତି।
ଏହାସହ ଏହା ମଧ୍ୟ କୁହାଯାଇଛି ଯେ ଭିଏନା କନଭେନଶନ ଅନୁଯାୟୀ କାନାଡାକୁ ଏହାର ଦାୟିତ୍ୱ ମନେ ରଖିବାର ଆବଶ୍ୟକତା ରହିଛି। ଏପରି କାର୍ଯ୍ୟରେ ସମ୍ପୃକ୍ତ ଥିବା ଚିହ୍ନଟ ହୋଇଥିବା ବ୍ୟକ୍ତିଙ୍କୁ ଗିରଫ ଏବଂ କୋର୍ଟ ଚାଲାଣ କରିବାକୁ କୁହାଯାଇଛି।
ମନ୍ତ୍ରଣାଳୟ ଆଶା ପ୍ରକଟ କରିଛି ଯେ କାନାଡା ସରକାର ଏହାର କୂଟନୀତିଜ୍ଞଙ୍କ ସୁରକ୍ଷା ତଥା ସେମାନଙ୍କର କୂଟନୈତିକ ପରିସରର ନିରାପତ୍ତାକୁ ନିଶ୍ଚିତ କରିବା ପାଇଁ ଆବଶ୍ୟକ ପଦକ୍ଷେପ ଗ୍ରହଣ କରିବେ।