ନୂଆଦିଲ୍ଲୀ,୨୪ ।୧୧: ସୁପରସୋନିକ୍ କ୍ରୁଜ୍ କ୍ଷେପଣାସ୍ତ୍ର ବ୍ରହ୍ମୋସର ଲ୍ୟାଣ୍ଡ ଆଟାକ ଭର୍ସନର ମଙ୍ଗଳବାର ଭାରତୀୟ ସେନା ସଫଳ ପରୀକ୍ଷଣ କରିଛି । ବିଶେଷ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଭାରତୀୟ ସେନା ମଙ୍ଗଳବାର ଆଣ୍ଡମାନ ନିକୋବର ଦ୍ୱୀପରୁ କ୍ରୁଜ କ୍ଷେପଣାସ୍ତ୍ରର ସଫଳ ପରୀକ୍ଷଣ କରିଛି । ଏହାର ଟାର୍ଗେଟ ଥିଲା ଆଣ୍ଡାମାନ ନିକୋବର ଦ୍ୱୀପ ନିକଟରେ ଥିବା ଆଉ ଏକ ଦ୍ୱୀପ । ନ୍ୟୁଜ ଏଜେନ୍ସି ଏଏନ୍ଆଇର ଟୁଇଟ୍ରୁ ଏହି ସୂଚନା ମିଳିଛି । ମଙ୍ଗଳାବାର ସକାଳ ପ୍ରାୟ ୧୦ଟା ସମୟରେ ଏହାର ପରୀକ୍ଷଣ କରାଯାଇଛି । ପାକିସ୍ତାନ-ଚାଇନା ସହ ଲାଗି ରହିଥିବା ସୀମା ବିବାଦ ମଧ୍ୟରେ ଭାରତୀୟ ସେନାର ଏହି ପରୀକ୍ଷଣ ସେନାର ଶକ୍ତି ବୃଦ୍ଧି କରିଛି ।