ନୂଆଦିଲ୍ଲୀ,୧୪ ।୧୧: ଆସନ୍ତା ମାସ ସୁଦ୍ଧା ଦେଶକୁ ୧୦ କୋଟି କରୋନା ଟିକା ମିଳିଯିବ ବୋଲି ଦାବି କରିଛନ୍ତି ସିରମ ଇନଷ୍ଟିଚ୍ୟୁଟର ଅଫ୍ ଇଣ୍ଡିଆର ସିଇଓ ଅଦାର ପୁନାୱାଲା । ସିରମ ଇନଷ୍ଟିଚ୍ୟୁଟ ଅକ୍ସଫୋର୍ଡ ୟୁନିଭର୍ସିଟି ସହ ମିଶି ଏହି ଟିକା ପ୍ରସ୍ତୁତ କରୁଛି । ଏହା ଏସ୍ଟ୍ରେଜେନେକା, ଅକ୍ସଫୋର୍ଡ ୟୁନିଭର୍ସିଟି ସହ ମିଶି ପ୍ରସ୍ତୁତ କରାଯାଉଛି । ପୁନାୱାଲା କହିଛନ୍ତି ପ୍ରଥମେ ଭାରତ ପାଇଁ ଟିକା ପ୍ରସ୍ତୁତ କରାଯିବ ଏହାପରେ ଏହାକୁ ବିତରଣ କରିବାର ବ୍ୟବସ୍ଥା କରାଯିବ । ଆସନ୍ତା ବର୍ଷ ଆରମ୍ଭରେ ଟିକାକୁ ମଞ୍ଜୁରୀ ମିଳିବ ଓ ଏହାପରେ ଅନ୍ୟ ଦକ୍ଷିଣ ଏସିଆ ଦେଶକୁ ଏହା ଯୋଗାଇ ଦିଆଯିବ । ସିରମ ଇନଷ୍ଟିଚ୍ୟୁଟ ଶହେ କୋଟି ଟିକା ପ୍ରସ୍ତୁତ କରିବ ଯେଉଁଥିରେ ୫୦ କୋଟି ଭାରତ ପାଇଁ ଓ ବାକି ୫୦ କୋଟି ଅନ୍ୟ ଦକ୍ଷିଣ ଏସିଆ ଦେଶକୁ ଯୋଗାଇ ଦିଆଯିବ । ଏବେ ପର୍ଯ୍ୟନ୍ତ ସିରମ ଇନଷ୍ଟିଚ୍ୟୁଟ ୪ କୋଟି ଟିକା ପ୍ରସ୍ତୁତ କରି ସାରିଥିବା କହିଛି ।