ମେଲବୋର୍ନ,୮ା୭: ପରବର୍ତ୍ତୀ ଫ୍ୟୁଚର ଟୁର୍ ପ୍ରୋଗ୍ରାମ୍(ଏଫ୍ଟିପି) ସାଇକେଲ ୨୦୨୪-୩୨ ଟେଷ୍ଟ ସଂଖ୍ୟା ୪ରୁ ୫କୁ ବୃଦ୍ଧି ପାଇବ। ଭାରତୀୟ କ୍ରିକେଟ ଦଳ ଦୁଇଥର ଅଷ୍ଟ୍ରେଲିଆ ଟୁର୍ରେ ଯାଇପାରେ। ପରବର୍ତ୍ତୀ ଏଫ୍ଟିଏଫ୍ରେ ଭ୍ରମଣକାରୀ ଭାରତ ଇଂଲଣ୍ଡ ବିପକ୍ଷରେ ଦୁଇଟି ଲେଖାଏ ପୂର୍ଣ୍ଣାଙ୍ଗ ଟେଷ୍ଟ ସିରିଜ ଖେଳିବ। ସିରିଜଗୁଡ଼ିକ ୪ ପରିବର୍ତ୍ତେ ୫ ମ୍ୟାଚ ବିଶିଷ୍ଟ କରାଯିବ ବୋଲି କ୍ରିକେଟ ଅଷ୍ଟ୍ରେଲିଆ ପକ୍ଷରୁ ଗଣମାଧ୍ୟମକୁ ସୂଚନା ଦିଆଯାଇଛି।
ଅଷ୍ଟ୍ରେଲିଆ ବିପକ୍ଷ ଗତ ଦୁଇଟି ଟୁର୍ରେ ଭାରତ ବିଜୟ ଲାଭ କରିଛି। ବର୍ତ୍ତମାନ ଚାଲିଥିବା ଆଇସିସି ଏଫ୍ଟିଏଫ୍ ୨୦୧୮ରୁ ୨୦୨୩ ପର୍ଯ୍ୟନ୍ତ ରହିଛି। ଭାରତରେ ଆସନ୍ତାବର୍ଷ ଅକ୍ଟୋବର-ନଭେମ୍ବରରେ ଖେଳାଯିବାକୁ ଥିବା ୫୦ ଓଭର ବିଶିଷ୍ଟ ଆଇସିସି ବିଶ୍ୱକପ୍ ସହ ଶେଷ ହେବ। ଜୁଲାଇ ୨୫ ଓ ୨୬ରେ ବର୍ମିଂହାମ୍ଠାରେ ଆଇସିସିର ବାର୍ଷିକ ଅଧିବେଶନ ହେବ। ପୂର୍ଣ୍ଣାଙ୍ଗ ଏଫ୍ଟିପି ଚଳିତ ମାସ ପରବର୍ତ୍ତୀ ଭାଗରେ ଘୋଷଣା ହେବା ସମ୍ଭାବନା ରହିଛି। ବିଗତ କିଛିବର୍ଷ ହେଲା ଅଷ୍ଟ୍ରେଲିଆ ଦର୍ଶକଙ୍କୁ ଆକର୍ର୍ଷିତ କରିପାରିଛି ଭାରତ। ଗତ ଡାଉନ୍ ଅଣ୍ଡର ୪ ମ୍ୟାଚ ବିଶିଷ୍ଟ ସିରିଜରେ ଆର୍ଥିକ ସଙ୍କଟରେ ଥିବା କ୍ରିକେଟ ଅଷ୍ଟ୍ରେଲିଆ ୩୦୦ ନିୟୁତ ଅଷ୍ଟ୍ରେଲୀୟ ଡଲାର ଆୟ କରିଥିବା କୁହାଯାଉଛି।