ନୂଆଦିଲ୍ଲୀ,୨୫ ।୨: ମୋଦି ସରକାର ଦେଶରେ ଖେଳନା କାରିଗରଙ୍କୁ ସ୍ୱାବଲମ୍ବୀ କରିବାକୁ ‘ଆତ୍ମନିର୍ଭର ଭାରତ’ ଓ ‘ଭୋକାଲ ଫର୍ ଲୋକାଲ’ର ଆହ୍ୱାନ କରିଛନ୍ତି । ଏହି ଆଧାରାରେ ଦେଶରେ ପ୍ରଥମଥର ଭର୍ଚୁଆଲ ଇଣ୍ଡିଆ ଟୟ ଫେୟାର-୨୦୨୧ ଆୟୋଜନ ହେବାକୁ ଯାଉଛି । ଏଥିରେ ସାରା ଦେଶରୁ ୧ହଜାରରୁ ଅଧିକ ଖେଳନା କାରିଗରଙ୍କ ଖେଳନା ଦେଖିବାର ଓ କ୍ରୟ କରିବାର ସୁଯୋଗ ମିଳିବ । ଦେଶରେ ବଢି ଚାଲିଥିବା ଖେଳନା ଉଦ୍ୟୋଗ ପାଇଁ ମଞ୍ଚ ପ୍ରଦାନ କରିବାକୁ କେନ୍ଦ୍ର ସରକାର ୨୭ ଫେବୃୟାରୀରୁ ମାର୍ଚ୍ଚ ୨ ପର୍ଯ୍ୟନ୍ତ ଡିଜିଟାଲ ମାଧ୍ୟମରେ ଏହି ମେଳାର ଆୟୋଜନ କରିବେ । ଏଥିରେ ଦେଶର ବିଭିନ୍ନ ରାଜ୍ୟର ବ୍ୟବସାୟୀଙ୍କୁ ପ୍ରତିନିଧିତ୍ୱ କରିବାର ସୁଯୋଗ ମିଳିବ । ଏଥିପାଇଁ ଏକ ୱେସାଇଟର ଉଦ୍ଘାଟନ ବି କରାଯାଇଛି । ବୁଧବାର ସୁଦ୍ଧା ଏଥିରେ ପ୍ରାୟ ୨ ମିଲିୟନରୁ ଅଧିକ ବ୍ୟବସାୟୀ ରେଜିଷ୍ଟ୍ରେଶନ କରି ସାରିଥିବା ଜଣାପଡିଛି । ରେଜିଷ୍ଟେଶନର ଶେଷ ତାରିଖ ୨୬ ଫେବୃୟାରୀ ରଖାଯାଇଛି ।
