ମୁମ୍ବାଇ, ୨୫।୧୧: ଡିସେମ୍ବର ୮ ରୁ ସଂଯୁକ୍ତ ଆରବ ଏମିରେଟ(ୟୁଏଇ)ରେ ଖେଳାଯିବାକୁ ଥିବା ଏସିସି ପୁରୁଷ ୧୯ ବର୍ଷରୁ କମ୍ ଏସିଆ କପ୍ ପାଇଁ ଭାରତୀୟ ଟିମ୍ ଘୋଷଣା ହୋଇଛି। ପଞ୍ଜାବର ପ୍ରତିଭାବାନ ବ୍ୟାଟ୍ସମ୍ୟାନ୍ ଉଦୟ ସାହାରନ୍ ଡିଫେଣ୍ଡିଂ ଚାମ୍ପିଅନ୍ ଇଣ୍ଡିଆର ନେତୃତ୍ୱ ନେବେ। ୧୯ ବର୍ଷୀୟ କ୍ରିକେଟର ସାହାରନ କିଛି ସମୟ ହେବ ଚୟନକର୍ତ୍ତାଙ୍କ ରାଡାରରେ ଥିଲେ ଏବଂ ଗତ ବର୍ଷ ୧୯ ବର୍ଷରୁ କମ୍ ବିଶ୍ୱକପ ସମୟରେ ଭାରତୀୟ ଖେଳାଳି କରୋନାରେ ଆକ୍ରାନ୍ତ ହେବା ପରେ ସେ ବ୍ୟାକଅପ୍ ଖେଳାଳି ଭାବରେ ଦଳରେ ସାମିଲ ହୋଇଥିଲେ।
୧୫ ସଦସ୍ୟ ବିଶିଷ୍ଟ ଦଳର ଉପ-ଅଧିନାୟକ ଭାବରେ ସୌମ୍ୟ କୁମାର ପାଣ୍ଡେଙ୍କୁ ମନୋନୀତ କରାଯାଇଛି। ଏସିଆ କପରେ ଭାରତ ହେଉଛି ସବୁଠାରୁ ସଫଳ ଦଳ ଯାହା ଆଠ ଥର ଟାଇଟଲ ଜିତିଛି। ଏହି ଟୁର୍ନାମେଣ୍ଟରେ ଭାରତ ପାକିସ୍ତାନ, ଆଫଗାନିସ୍ତାନ ଏବଂ ନେପାଳ ସହିତ ଗ୍ରୁପ୍ ହୋଇଛି। ଡିସେମ୍ବର ୮ ରେ ଆଇସିସି ଏକାଡେମୀ ଓଭାଲ -୧ ରେ ଆଫଗାନିସ୍ତାନ ବିପକ୍ଷ ମ୍ୟାଚ ସହିତ ଅଭିଯାନ ଆରମ୍ଭ କରିବେ।
ବହୁ ପ୍ରତୀକ୍ଷିତ ମ୍ୟାଚରେ ଭାରତ ଡିସେମ୍ବର ୧୦ ରେ ସମାନ ସ୍ଥାନରେ ପାକିସ୍ତାନ ସହିତ ମୁକାବିଲା କରିବ ଏବଂ ଅନ୍ତିମ ଗ୍ରୁପ୍ ମ୍ୟାଚ୍ ଡିସେମ୍ବର ୧୨ ରେ ନେପାଳ ସହିତ ମୁହାଁମୁହିଁ ହେବ। ଡିସେମ୍ବର ୧୭ ରେ ଦୁବାଇ ଇଣ୍ଟରନ୍ୟାସନାଲ ଷ୍ଟାଡିୟମରେ ଫାଇନାଲ ଖେଳାଯିବାର କାର୍ୟ୍ୟକ୍ରମ ରହିଛି।
ଭାରତ ଦଳ: ଉଦୟ ସାହାରନ୍ (କ୍ୟାପଟେନ), ସୌମ୍ୟ କୁମାର ପାଣ୍ଡେ (ଉପ-ଅଧିନାୟକ), ଅର୍ଶିନ କୁଲକର୍ଣ୍ଣି, ଆଦର୍ଶ ସିଂ, ରୁଦ୍ର ମୟୂର ପଟେଲ, ସଚିନ ଧାସ, ପ୍ରିୟନସୁ ମୋଲିୟା, ମୁଶେର ଖାନ, ଧନୁଷ ଗୌଡା, ଅବିନାଶ ରାଓ (ଉଇକେଟ ରକ୍ଷକ), ଏମ ଅଭିଷେକ, ଇନେଶ ମହାଜନ (ଉଇକେଟ ରକ୍ଷକ), ଆର୍ଯ୍ୟ ଶୁକ୍ଲା, ରାଜ ଲିମ୍ବାନୀ, ନମାନ ତିୱାରୀ।
🚨 NEWS 🚨
India U19 squad for ACC Men’s U19 Asia Cup announced
Details 🔽https://t.co/dZHCSv32a6
— BCCI (@BCCI) November 25, 2023
