ବିରାଟ କୋହଲିଙ୍କ ନେତୃତ୍ୱରେ ଟିମ ଇଣ୍ଡିଆ ଆୟୋଜକ ଅଷ୍ଟ୍ରେଲିଆ ବିପକ୍ଷରେ ୩ ମ୍ୟାଚ୍ ବିଶିଷ୍ଟ ଟି -୨୦ ସିରିଜ୍ ଖେଳୁଛି। ଭାରତ ପ୍ରଥମ ମ୍ୟାଚକୁ ୧୧ ରନ ଏବଂ ଦ୍ୱିତୀୟ ମ୍ୟାଚରେ ୬ ଉଇକେଟ ବ୍ୟବଧାନରେ ଜିତିଥିଲା। ଦ୍ୱିତୀୟ ଟି -୨୦ ମ୍ୟାଚ୍ରେ ଅଧିନାୟକ ବିରାଟ କୋହଲିଙ୍କ ବିସ୍ଫୋରକ ଇନିଂଶ ଖେଲିଥିଲେ। ସେ ୨୪ ବଲରୁ ୪୦ ରନର ଏକ ଗୁରୁତ୍ୱପୂର୍ଣ୍ଣ ଇନିଂସ ଖେଳିଥିଲେ ଏବଂ ଏହି ଇନିଂସରେ ସେ ଏବି ଡି ଭିଲିୟର୍ସଙ୍କ ପରି ସ୍କୁପ ସଟ ମାରି ସମସ୍ତଙ୍କୁ ଆଶ୍ଚର୍ଯ୍ୟ କରିଥିଲେ। ସେ ଏହି ସଟ୍କୁ ଆଣ୍ଡ୍ରିୟୁ ଟାଇଙ୍କ ବଲରେ ମାରିଥିଲେ। ଫଳରେ ଏହି ଶଟ୍ରେ ଚୌକା ହୋଇଥିଲା। କୋହଲିଙ୍କ ଏହି ସଟ ଦେଖିବା ପରେ ସମସ୍ତେ ଏବି ଡି ଭିଲିୟର୍ସଙ୍କୁ ମନେ ପକାଇଲେ। ଏହି ସଟ ହେଉଛି ଡି ଭିଲିୟର୍ସର ପରିଚୟ। ମ୍ୟାଚ ପରେ କୋହଲି ଏହା ମଧ୍ୟ କହିଥିଲେ ଯେ ସେ ରାତିରେ ଡି ଭିଲିୟର୍ସଙ୍କୁ ମେସେଜ କରିବେ ଏବଂ ଏହି ସଟ ବିଷୟରେ ପଚାରିବେ। ଡି ଭିଲିୟର୍ସ ସୋସିଆଲ ମିଡିଆରେ ଭାରତୀୟ ଅଧିନାୟକ ନିଜର ସଟ କପି ଦେଖି ଏକ ମଜାଦାର ପ୍ରତିକ୍ରିୟା ଦେଇଛନ୍ତି। ଦକ୍ଷିଣ ଆଫ୍ରିକାର ପୂର୍ବତନ ଅଧିନାୟକ ତଥା ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର ଷ୍ଟାର୍ ବ୍ୟାଟ୍ସମ୍ୟାନ୍ ଡି ଭିଲିୟର୍ସ କୋହଲିଙ୍କ ସଟ ଭିଡିଓ ଉପରେ ମନ୍ତବ୍ୟ ଦେଇଛନ୍ତି। କୋହଲିଙ୍କ ଏହି ସଟ୍ର ଭିଡିଓ ୱିସଡେନ ଇଣ୍ଡିଆ ପକ୍ଷରୁ ଶେୟାର କରାଯାଇଥିଲା। ଏହାର ଜବାବରେ ଡି ଭିଲିୟର୍ସ ଏକ ସ୍ମାଇଲ ଏବଂ ଲାଇକ୍ ଇମୋଜି ପୋଷ୍ଟ କରି ପ୍ରତିକ୍ରିୟା ଦେଇଥିଲେ।