ନୂଆଦିଲ୍ଲୀ, ୭।୧୨- ଭାରତୀୟ ଅଲରାଉଣ୍ଡର ରବୀନ୍ଦ୍ର ଜାଡେଜା ଅଷ୍ଟ୍ରେଲିଆ ବିପକ୍ଷ ପ୍ରଥମ ଟେଷ୍ଟ ମ୍ୟାଚ୍ ନ ଖେଳି ପାରନ୍ତି। ପ୍ରଥମ ଟି୨୦ ମ୍ୟାଚ୍ରେ ମୁଣ୍ଡରେ ବଲ ବାଜିବା ଓ ମାଂସପେଶୀରେ ଆଘାତ କାରଣରୁ ତାଙ୍କୁ ବିଶ୍ରାମ ମିଳିପାରେ। ୩୨ ବର୍ଷୀୟ ଅଲରାଉଣ୍ଡରଙ୍କୁ ୩ ସପ୍ତାହ ବିଶ୍ରାମ ନେବାକୁ ପରାମର୍ଶ ଦିଆଯାଇଛି। ଏଣୁ ଆଡିଲେଡ୍ଠାରେ ଚଳିତ ମାସ ୧୭ ତାରିଖରୁ ଦିବା-ରାତ୍ର ଭିତ୍ତିରେ ଖେଳାଯିବାକୁ ଥିବା ଟେଷ୍ଟ ମ୍ୟାଚ୍ରେ ଜାଡେଜାଙ୍କ ଖେଳିବାର ବିଶେଷ ସମ୍ଭାବନା ନାହିଁ। ଏପରି କି ଆସନ୍ତା ୨୬ ତାରିଖରୁ ହେବାକୁ ଥିବା ମେଲବୋର୍ନ ଟେଷ୍ଟରୁ ମଧ୍ୟ ସେ ବାଦ୍ ପଡ଼ିପାରନ୍ତି।
ଆଇସିସି କନକ୍ସନ ନିୟମ ଅନୁଯାୟୀ, ମୁଣ୍ଡରେ ବଲ ବାଜିଲେ ଖେଳାଳିଙ୍କୁ ୭ରୁ ୧୦ ଦିନ ବିଶ୍ରାମ ଦିଆଯିବା ଦରକାର। ଏହି କାରଣରୁ ସିଡ୍ନୀଠାରେ ଆସନ୍ତା ୧୧ ତାରିଖରୁ ଖେଳାଯିବାକୁ ୩ ଦିନିଆ ଦିବା-ରାତ୍ର ଅଭ୍ୟାସ ଟେଷ୍ଟ ମ୍ୟାଚ୍ରେ ଜାଡେଜା ଖେଳି ପାରିବେ ନାହିଁ।