ସିଡନୀ,୨୯।୧୧: ଆୟୋଜକ ଅଷ୍ଟ୍ରେଲିଆ ଦ୍ୱିତୀୟ ଦିନିକିଆରେ ଭାରତୀୟ ଦଳକୁ ପୁଣି ୫୧ ରନ୍ରେ ପରାସ୍ତ କରିଛି। ଏହି ମ୍ୟାଚ୍ରେ କୋହଲି ୮୯ରନ୍ର ଇଂନିଶ ଖେଳିଥିଲେ। ଅର୍ଦ୍ଧଶତକ ପରେ କୋହଲିଙ୍କ ବ୍ୟାଟିଂ ଅଧିକ ଆକ୍ରମଣାତ୍ମକ ହୋଇଥିଲା। କୋହଲି ତାଙ୍କ ଅର୍ଦ୍ଧଶତକ ଆଡକୁ ଯାଉଥିବାବେଳେ ସମସ୍ତଙ୍କ ଧ୍ୟାନ ଖେଳାଳିଙ୍କଠାରୁ ଦର୍ଶକଙ୍କ ଆଡକୁ ମୁହାଁଇ ଥିଲା। କୋହଲି ୩୫ରେ ରନ୍ରେ ବ୍ୟାଟିଂ କରୁଥିବାବେଳେ ଦର୍ଶକ ଗ୍ୟାଲେରୀରେ ବସିଥିବା ଜଣେ ଭାରତୀୟ ପ୍ରଶଂସକ ତାଙ୍କ ଅଷ୍ଟ୍ରେଲୀୟ ଗର୍ଲଫ୍ରେଣ୍ଡଙ୍କୁ ମୁଦି ଦେଇ ବିବାହ ପ୍ରସ୍ତାବ ଦେଇଥିଲେ। ଏହାର ଜବାବରେ ଅଷ୍ଟ୍ରେଲିଆ ଦଳକୁ ସମର୍ଥନ କରୁଥିବା ମହିଳା ପ୍ରଶଂସକ ମଧ୍ୟ ହଁ କହିଥିଲେ। ପଡ଼ିଆରେ ଅଷ୍ଟ୍ରେଲିଆ ଖେଳାଳି ଗ୍ଲେନ ମ୍ୟାକ୍ସୱେଲ ପରେ ତାଳି ବଜାଇ ଉଭୟଙ୍କୁ ପ୍ରଶଂସା କରିଥିଲେ। ଏବେ ଏହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ସୂଚନାଯୋଗ୍ୟ ମାକ୍ସଓ୍ବେଲ୍ ଜଣେ ଭାରତୀୟ ଯୁବତୀଙ୍କ ପ୍ରେମରେ ପଡିଛନ୍ତି। ଖୁବ୍ଶୀଘ୍ର ଉଭୟ ବିବାହ ବନ୍ଧନରେ ଆବଦ୍ଧ ହେବାକୁ ଯାଉଛନ୍ତି।