ଆଡିଲେଡ୍,୨୦।୧୨: ଘରୋଇ ଅଷ୍ଟ୍ରେଲିଆଠାରୁ ପ୍ରଥମ ଟେଷ୍ଟରେ ଲଜ୍ଜାଜନକ ପରାଜୟ ଭୋଗିବା ପରେ ଭାରତୀୟ ଦଳକୁ ଚାରିଆଡୁ ସମାଲୋଚନା କରାଯାଉଛି। ଏହି ସମୟରେ ଭାରତୀୟ ଦଳ ପାଇଁ ଆଉ ଏକ ଖରାପ ଖବର ଆସିଛି। ଦଳର ଷ୍ଟାର ବୋଲର ମହମ୍ମଦ ସାମି ଟେଷ୍ଟ ସିରିଜ୍ରୁ ବାଦ୍ ପଡିବାର ସମ୍ଭାବନା ସୃଷ୍ଟି ହୋଇଛି। ପ୍ରଥମ ଟେଷ୍ଟର ଦ୍ୱିତୀୟ ଇଂନିଶରେ ବ୍ୟାଟିଂ କରୁଥିବାବେଳେ ତାଙ୍କ ଡାହାଣ ହାତରେ ଅଷ୍ଟ୍ରେଲିଆ ବୋଲି ପ୍ୟାଟ୍ କମିନ୍ସଙ୍କ ଏକ ବାଉନସର ବଲ୍ ବାଜିଥିଲା। ପରେ ତାଙ୍କୁ ରିଟାର୍ଡହର୍ଟ ହେବାକୁ ପଡିଥିଲା। ଏହାପରେ ତାଙ୍କର ହାତ ସ୍କାନ କରାଯାଇଥିଲା। ଏହା ଏବେ ଗୁରୁତର ରହିଛି। ସେ ନିଜଟରେ ସୁସ୍ଥ ହେବାର ପ୍ରଶ୍ନ ଉଠୁନାହିଁି। ଯଦି ସାମି ଟେଷ୍ଟ ସିରିଜ୍ରୁ ବାଦ୍ ପଡନ୍ତି ତେବେ ଭାରତୀୟ ଦଳ ପାଇଁ ଏହା ବଡ ଝଟ୍କା ହେବ। ଗତ ଦୁଇ ବର୍ଷ ହେବ ଟେଷ୍ଟରେ ସାମି ଭାରତ ପାଇଁ ଗୁରୁତ୍ୱପୂର୍ଣ୍ଣ ବୋଲର୍ ରହିଆସିଛନ୍ତି। ବାକି ମ୍ୟାଚ୍ରେ ସାମିଙ୍କ ସ୍ଥାନରେ ମହମ୍ମଦ ସିରାଜ କିମ୍ବା ନବଦୀପ ସଇନିଙ୍କୁ ସ୍ଥାନ ମିଳିପାରେ। ସୂଚନାଯୋଗ୍ୟ,୪ଟିକିଆ ଟେଷ୍ଟ ସିରିଜ୍ରେ ଭାରତ ୧-୦ରେ ପଛରେ ରହିଛି। ଦ୍ୱିତୀୟ ଟେଷ୍ଟ ଡିସେମ୍ପର ୨୬ରୁ ମେଲବର୍ଣ୍ଣରେ ଆରମ୍ଭ ହେବ।