ସିଡନୀ,୭।୧୨: ହାର୍ଦ୍ଦିକ ପାଣ୍ଡ୍ୟାଙ୍କ ବିସ୍ଫୋରକ ବ୍ୟାଟିଂ ସାଙ୍ଗକୁ ଶିଖର ଧୱନ ଓ କ୍ୟାପଟେନ ବିରାଟ କୋହଲିଙ୍କ ଦମଦାର ଇନିଂସ ବଳରେ ଟିମ ଇଣ୍ଡିଆ ଏଠାରେ ଖେଳାଯାଇଥିବା ୨ୟ ଟି-୨୦ ମ୍ୟାଚରେ ଅଷ୍ଟ୍ରେଲିଆକୁ ୬ ୱିକେଟରେ ପରାସ୍ତ କରିଛି। ଏହି ବିଜୟ ସହ ଟିମ ଇଣ୍ତିଆ ଟି-୨୦ ସିରିଜକୁ ୨-୦ରେ ଜିତି ନେଇଛି। ଏହି ମ୍ୟାଚ୍ ପରେ ଭାରତୀୟ ଡ୍ରେସିଂ ରୁମ୍ରେ ୩ ଖେଲାଳିଙ୍କ ଜନ୍ମଦିନ ପାଳନ କରାଯାଇଥିଲା। ଧାଓ୍ବନଙ୍କ ଡିସେମ୍ବର ୫ ଏବଂ ଡିସେମ୍ବର ୬ରେ ଦୁଇ ଖେଲାଳି ଶ୍ରେୟଶ ଆୟାର ଏବଂ ଜଶପ୍ରୀତ ବୁମ୍ରାଙ୍କ ଜନ୍ମଦିନ ଥିବାରୁ ଏକ ସାଙ୍ଗରେ ୩ଟି କେକ୍ କାଟି ପାଳନ କରାଯାଇଥିଲା। ୩ ଖେଳାଳି କେକ୍ କାଟି ପରସ୍ପରକୁ ଖୁଆଇଥିଲେ। ଏହାପରେ ସେଲିବ୍ରେଶନ ଆରମ୍ଭ ହୋଇଥିଲା। ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ତୃତୀୟ ଟି-୨୦ ମ୍ୟାଚ ମଙ୍ଗଳବାର ସିଡନୀରେ ଖେଳାଯିବ।