ନୂଆଦିଲ୍ଲୀ, ୨୩।୦୮: ଗୋଲ୍ଡକୋଷ୍ଟ ଗ୍ରାଉଣ୍ଡରେ ଖେଳାଯାଉଥିବା ଭାରତୀୟ ମହିଳା ଏ ଦଳ ଏବଂ ଅଷ୍ଟ୍ରେଲିଆ ମହିଳା ଏ ଦଳ ମଧ୍ୟରେ ଚାରି ଦିନିଆ ଟେଷ୍ଟର ଦ୍ୱିତୀୟ ଦିନରେ ଖେଳ ଅତ୍ୟନ୍ତ ରୋମାଞ୍ଚକର ଥିଲା। ଦ୍ୱିତୀୟ ଦିନରେ ମୋଟ ୧୫ ୱିକେଟ ପଡ଼ିଥିଲା । ଭାରତୀୟ ଦଳ ପ୍ରଥମ ଇନିଂସ ୧୮୪ ସ୍କୋର କରିଥିବା ବେଳେ ଅଷ୍ଟ୍ରେଲିୟା ମହିଳା ଏ ଦଳ ଦିନିକିଆ ଖେଳ ଶେଷ ସୁଦ୍ଧା ଦ୍ୱିତୀୟ ଇନିଂସରେ ୭ ୱିକେଟ ହରାଇ ୧୬୪ ରନ ସଂଗ୍ରହ କରିଛି। ଦ୍ୱିତୀୟ ଦିନର ଖେଳରେ କେଟ ପିଟରସେନ ଅଷ୍ଟ୍ରେଲିଆ ପାଇଁ ୫ ୱିକେଟ ନେଇଥିବାବେଳେ ଭାରତ ପାଇଁ ଅଧିନାୟକ ମିନୁ ମନି ପୁଣିଥରେ ଚମତ୍କାର ପ୍ରଦର୍ଶନ କରି ୫ ୱିକେଟ ନେଇଥିଲେ।
ଏହି ଅଣଔପଚାରିକ ଟେଷ୍ଟ ମ୍ୟାଚର ପ୍ରଥମ ଦିନର ଖେଳ ଶେଷରେ ଅଷ୍ଟ୍ରେଲୀୟ ଏ ଦଳର ପ୍ରଥମ ଇନିଂସ ୨୧୨ ରନରେ ସୀମିତ ଥିବାବେଳେ ଭାରତୀୟ ମହିଳା ଏ ଦଳ ମଧ୍ୟ ୨ ୱିକେଟ ହରାଇ ୧୦୦ ରନ ସଂଗ୍ରହ କରିଥିଲା। ଦ୍ୱିତୀୟ ଦିନର ଖେଳ ଆରମ୍ଭ ହେବା ସହିତ କେବଳ ଅଷ୍ଟ୍ରେଲିଆ ଦଳ ସେତେଟା ଭଲ ବୋଲିଂ ପ୍ରଦର୍ଶନ କରିନଥିବା ଦେଖାଯାଇଛି । ସେମାନେ ମଧ୍ୟ ପ୍ରଥମ ଇନିଂସ ଆଧାରରେ ୨୮ ରନ୍ ଆଗୁଆ ରହିଛନ୍ତି ।
ଭାରତୀୟ ଏ ଦଳର ପ୍ରଥମ ଇନିଂସରେ କେବଳ ୧୮୪ ରନ୍ କରିଥିଲା । ଶ୍ୱେତା ସେହରାୱତ ୪୦ ରନ୍ର ଇନିଂସ ଖେଳିଥିଲେ, ତେଜଲ ହାସାବିନ୍ସ ୩୨ ରନ ଖେଳିଥିଲେ, ଶୁଭା ସତୀଶ ୨୨ ରନ ଏବଂ ସାୟଲି ସଟଘାରେ ୨୧ ରନ୍ର ଇନିଂସ ଖେଳିଥିଲେ। । ଅଷ୍ଟ୍ରେଲୀୟ ମହିଳା ଏ ଦଳ ପାଇଁ ଏହି ଇନିଂସରେ କେଟ ପିଟରସନ ୫ ୱିକେଟ ନେଇଥିବାବେଳେ ମାଟାଲନ ବ୍ରାଉନ, ନିକୋଲା ହାନକକ, ଚାର୍ଲି ନଟ ଏବଂ ଲିଲି ମିଲ୍ସ ପ୍ରତ୍ୟେକ ଗୋଟିଏ ଗୋଟିଏ ୱିକେଟ ନେଇଥିଲେ।