ବ୍ରିସବେନ୍,୧୭।୧: ଅଷ୍ଟ୍ରେଲିଆ ବିପକ୍ଷରେ ବ୍ରିସବେନ୍ ଟେଷ୍ଟରେ ଡେବ୍ୟୁ କରୁଥିବା ଓ୍ବାଶିଂଟନ୍ ସୁନ୍ଦର କମାଲ ପ୍ରଦର୍ଶନ କରିଛନ୍ତି। ତାମିଲନାଡୁର ଏହି ଖେଳାଳି ନିଜ ପ୍ରଥମ ଟେଷ୍ଟରେ ଇତିହାସ ରଚିଛନ୍ତି। ଗତ ୭୩ ବର୍ଷରେ ଯେକୌଣସି ଭାରତୀୟ ବ୍ୟାଟ୍ସମ୍ୟାନ୍ ଯାହା କରି ନ ଥିଲେ, ତାହା କରିଦେଖାଇଛନ୍ତି ସୁନ୍ଦର। ସେ ବ୍ରିସବେନ୍ ଟେଷ୍ଟର ପ୍ରଥମ ପାଳିରେ ୩ଟି ଉଇକେଟ୍ ନେବା ସହ ବ୍ୟାଟିଂରେ ଅର୍ଦ୍ଧଶତକ ହାସଲ କରିଥିଲେ। ଭାରତର ଦ୍ୱିତୀୟ କ୍ରିକେଟର ଭାବେ ସେ ,ହି କାରନାମା କରିଛନ୍ତି। ୧୯୪୭ରେ ଭାରତର ପୂର୍ବତନ ଖେଲାଳି ଦତ୍ତୁ ଫାଡକର ଏହି କାରନାମା ଅଷ୍ଟ୍ରେଲିଆ ବିପକ୍ଷରେ କରିଥିଲେ। ସୂଚନାଯୋଗ୍ୟ, ସୁନ୍ଦର ୨୦୧୭ରୁ କୌଣସି ପ୍ରଥମଶ୍ରେଣୀ ମ୍ୟାଚ୍ ଖେଳାଳି ନାହାନ୍ତି। ତାମିଲନାଡୁ ଗତ ୩ ବର୍ଷ ହେବ ପ୍ରଥମ ଶ୍ରେଣୀ କ୍ରିକେଟ୍ ଖେଲି ନ ଥିଲେ ମଧ୍ୟ ଆର୍ ଅଶ୍ୱିନ ଆହତ ଯୋଗୁ ତାଙ୍କୁ ଏହି ଟେଷ୍ଟରେ ସୁଯୋଗ ଦିଆଯାଇଛି।