ଆଜି ବିଶ୍ୱକପ୍ରେ ଭାରତ-ବାଂଲାଦେଶ ଲଢେଇ: ଜାଣନ୍ତୁ କେତେବେଳେ,କେଉଁଠି ଦେଖିପାରିବେ ମ୍ୟାଚ୍
07 ପୁଣେ,୧୮।୧୦: ୨୦୨୩ ବିଶ୍ୱକପରେ ଆଜି ଭାରତ ଏବଂ ବାଂଲାଦେଶ ମଧ୍ୟରେ ଖେଳାଯିବ। ୨୦୨୩ ଏସିଆ କପରେ ବାଂଲାଦେଶ ବିପକ୍ଷ ପରାଜୟର ପ୍ରତିଶୋଧ ନେବାକୁ ଟିମ ଇଣ୍ଡିଆ ଚାହୁଁଛି। ଏହି ବିଶ୍ୱକପରେ ଭାରତୀୟ ଦଳ ଏହାର ପ୍ରଥମ ତିନୋଟି ମ୍ୟାଚ ଜିତିଛି। ବର୍ତ୍ତମାନ ରୋହିତ ବ୍ରିଗେଡ ଗୁରୁବାର ବାଂଲାଦେଶକୁ ପରାସ୍ତ କରି ବିଶ୍ୱକପ ଜିତିବାକୁ ଚାହୁଁଛି। ତେବେ ବାଂଲାଦେଶ ବିପକ୍ଷରେ ଟିମ ଇଣ୍ଡିଆର ରେକର୍ଡ କିଛି ସମୟ ପାଇଁ ଭଲ ନ ଥିଲା। ୨୦୧୯ ବିଶ୍ୱକପ ପରଠାରୁ ଶାକିବ ଅଲ ହାସନଙ୍କ ଦଳ ଦିନିକିଆ ମ୍ୟାଚରେ ଭାରତକୁ ତିନିଥର ପରାସ୍ତ କରିଛି।
ଭାରତ ଏବଂ ବାଂଲାଦେଶ ମଧ୍ୟରେ ଏହି ମ୍ୟାଚ ଅକ୍ଟୋବର ୧୯ ଗୁରୁବାର ପୁଣେର ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଖେଳାଯିବ। ମ୍ୟାଚର ଟସ ଆଜି ଦିନ ୧.୩୦ରେ ହେବ। ମ୍ୟାଚ ଅପରାହ୍ନ ୨ଟାରୁ ଆରମ୍ଭ ହେବ।
ଡିଜନି ପ୍ଲସ ହଟଷ୍ଟାରରେ ଆପଣ ଭାରତ ଏବଂ ବାଂଲାଦେଶ ମଧ୍ୟରେ ମ୍ୟାଚ ମାଗଣାରେ ଦେଖିପାରିବେ। ଟିଭିରେ ମ୍ୟାଚ ଦେଖୁଥିବା ପ୍ରଶଂସକମାନେ ଷ୍ଟାର୍ ସ୍ପୋର୍ଟସ ନେଟୱାର୍କରେ ମ୍ୟାଚ ଲାଇଭ ଦେଖିପାରିବେ।