ନୂଆଦିଲ୍ଲୀ,୯।୭: ଭାରତ ଏବଂ ଇଂଲଣ୍ଡ ମଧ୍ୟରେ ଦ୍ୱିତୀୟ ଟି୨୦ ମୁକାବିଲା ଶନିବାର ଖେଳାଯିବ। ଭାରତ ତିନି ମ୍ୟାଚ୍ ବିଶିଷ୍ଟ ଟି୨୦ ସିରିଜରେ ୧-୦ରେ ଆଗୁଆ ରହିଛି। ଏଣୁ ଆଜିର ମ୍ୟାଚ୍ ଜିତି ଦଳ ସିରିଜ ଉପରେ କବ୍ଜା କରିବାକୁ ଚାହିଁବ। ଅପରପକ୍ଷେ ଦଳର ବରିଷ୍ଠ ଖେଳାଳିମାନଙ୍କୁ ପ୍ରଥମ ମ୍ୟାଚ୍ରେ ସୁଯୋଗ ମିଳି ନ ଥିଲା। ହେଲେ ଆଜିର ମୁକାବିଲା ଖେଳିବା ଲାଗି ସେମାନେ ଉପଲବ୍ଧ ରହିବେ। ଏହି ତାଲିକାରେ ବିରାଟ କୋହଲି, ଜସପ୍ରିତ ବୁମ୍ରା ଏବଂ ରବିନ୍ଦ୍ର ଜାଡେଜାଙ୍କ ଭଳି ଖେଳାଳି ଅଛନ୍ତି। ତେବେ ଆସନ୍ତୁ ଜାଣିବା ଏହି ଦ୍ୱିତୀୟ ଟି୨୦ କେବେ ଆଉ କେଉଁଠି ଦେଖିବେ।
କେତେ ଖେଳାଯିବ: ୯ ଜୁଲାଇ, ଶନିବାର
କେଉଁଠି ଖେଳାଯିବ: ବମିଂହାମର ଏଜବାଷ୍ଟନ ମଇଦାନରେ ଖେଳାଯିବ।
କେଉଁ ସମୟରେ ଆରମ୍ଭ ହେବ: ଭାରତୀୟ ସମୟାନୁଯାୟୀ ଅପରାହ୍ନ ୭ଟାରେ ଆରମ୍ଭ ହେବ।
ଲାଇଭ ପ୍ରସାରଣ କେଉଁଠି ହେବ: ମ୍ୟାଚ୍ର ସିଧା ପ୍ରସାରଣ ସୋନି ସ୍ପୋଟ୍ସରେ ହେବ। ସୋନି ସ୍ପୋଟ୍ସ ୧ ଏବଂ ସୋନି ସ୍ପୋଟ୍ସ ୧ ଏଚ୍ଡି, ସୋନି ଟେନ୍ ଥ୍ରିରେ ହେବ।
ଅନ୍ଲାଇନ୍ରେ କିଭଳି ଦେଖିବେ: ମ୍ୟାଚ୍କୁ ଅନ୍ଲାଇନ୍ରେ ସୋନି ଲିଭ୍ ଆପ୍ରେ ଦେଖିହେବ।