ଓଭାଲ,୩।୯: ଭାରତ ଏବଂ ଇଂଲଣ୍ଡ ମଧ୍ୟରେ ଚତୁର୍ଥ ଟେଷ୍ଟ ଗୁରୁବାର ଠାରୁ ଆରମ୍ଭ ହୋଇଛି । ପ୍ରଥମ ଦିନରେ ବୋଲରମାନେ ପ୍ରାଧାନ୍ୟ ବିସ୍ତାର କରିଥିଲେ ଏବଂ ମୋଟ ୧୩ ଉଇକେଟ ପଡିଥିଲା। କିନ୍ତୁ ଏହି ସମୟରେ ଇଂଲଣ୍ଡର ଦ୍ରୁତ ବୋଲର ଜେମ୍ସ ଆଣ୍ଡରସନ ଆହତ ହେବା ପରେ ମଧ୍ୟ ବୋଲିଂ କରୁଥିବା ଦେଖାଯାଇଥିଲା। ପ୍ରଶଂସକମାନେ ଏଥିପାଇଁ ତାଙ୍କୁ ପ୍ରଶଂସା କରୁଛନ୍ତି। ମ୍ୟାଚ୍ର ପ୍ରଥମ ଦିନରେ ମାତ୍ର ୧୯୧ ରନ ସ୍କୋର କରିବା ପରେ ଟିମ ଇଣ୍ଡିଆ ଆଉଟ ହୋଇଥିଲା। ପ୍ରଥମ ଖେଳ ଶେଷ ହେବା ପରେ ଇଂଲଣ୍ଡ ପ୍ରଥମ ଇନିଂସରେ ୫୩ ରନରେ ତିନୋଟି ଉଇକେଟ ହରାଇଥିଲା।
ଭାରତୀୟ ଇନିଂସର ୪୦ ତମ ଓଭରରେ ଜେମ୍ସ ଆଣ୍ଡରସନ ବୋଲିଂ ବେଳେ ପିଚରେ ପଡ଼ିଯାଇଥିଲେ। ଏହି କାରଣରୁ ତାଙ୍କ ଆଣ୍ଠୁରେ ଆଘାତ ଲାଗିଥିଲା ଏବଂ ରକ୍ତସ୍ରାବ ଆରମ୍ଭ ହୋଇଥିଲା। କିନ୍ତୁ ସେ ପଡ଼ିଆରେ ଫିଜିଓକୁ ଡାକି ନ ଥିଲେ ଏବଂ ବୋଲିଂ ଜାରି ରଖିଥିଲେ। ଆଣ୍ଡରସନଙ୍କ ଏହି ଦୃଢତା ଦେ ପ୍ରଶଂସକ ଉଚ୍ଚ ପ୍ରଶଂସା କରିଥିଲେ ଏବଂ କହିଥିଲେ ଯେ ୩୯ ବର୍ଷ ବୟସ ହେବା ପରେ ମଧ୍ୟ ଖେଳ ପ୍ରତି ତାଙ୍କର ଆଗ୍ରହ କମିନାହିଁ।
ଚତୁର୍ଥ ମ୍ୟାଚ ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ, କାରଣ ୫ ମ୍ୟାଚ ବିଶିଷ୍ଟ ସିରିଜ ବର୍ତ୍ତମାନ ୧-୧ରେ ବରାବର ହୋଇଛି । ପ୍ରଥମ ଇନିଂସ ଆଧାରରେ ଇଂଲଣ୍ଡ ଦଳ୧୩୮ ରନ ପଛରେ ରହିଛି ଏବଂ ୭ ଟି ଉଇକେଟ ବାକି ଅଛି।
