ଲଣ୍ଡନ,୨୩।୮: ଭାରତୀୟ ଉଇକେଟ୍ କିପର ରିଷଭ ପନ୍ତ ସୋସିଆଲ ମିଡିଆରେ ବେଶ୍ ସକ୍ରିୟ ଥାନ୍ତି। ଏବେ ଭାରତୀୟ ଦଳ ଇଂଲଣ୍ଡ ଗସ୍ତରେ ଥିବାରୁ ପନ୍ତ ଦଳ ସହ ଅଛନ୍ତି। ଦଳ ସହ ଅଭ୍ୟାସ କରିବା ସହ ସେ ସୋସିଆଲ ମିଡିଆରେ ମଧ୍ୟ ଫଟୋ ଏବଂ ଭିଡିଓ ଶେୟାର କରୁଛନ୍ତି। ନିକଟରେ ସେ ଇନ୍ଷ୍ଟାଗ୍ରାମରେ ଏକ ଫଟୋ ଶେୟାର କରିଛନ୍ତି। ଫଟୋ ଶେୟାର କରି ସେ କହିଛନ୍ତି, କ୍ଲାସର ସବୁଠୁ ଶାନ୍ତ ଯୁବକ। ପନ୍ତଙ୍କ ଏହି ଫଟୋରେ ସାଥୀ ଖେଳାଳି ଅକ୍ଷର ପଟେଲ ଏକ ମଜାଦାର କମେଣ୍ଟ କରିଛନ୍ତି। ସେ କହିଛନ୍ତି, ସବୁଠୁ ଶାନ୍ତ ଯୁବକ ତ ସିଏ, ଯିଏ ଏହି ଫଟୋଟି ଉଠାଇଛି। ଏହି କମେଣ୍ଟ ପ୍ରଶଂସକଙ୍କୁ ବେଶ୍ ପସନ୍ଦ ଆସିଛି। କିଛି ୟୁଜର୍ସ କହିଛନ୍ତି ଏହା ଅକ୍ଷରଙ୍କ ସ୍ବିପ୍ ସଟ୍ ତ ଆଉ କିଏ ଗୁରୁ ମାନିଗଲି ବୋଲି କହିଛନ୍ତି। ସୂଚନାଯୋଗ୍ୟ, ଇଂଲଣ୍ଡ ବିପକ୍ଷ ଟେଷ୍ଟ ସିରିଜ୍ରେ ଭାରତ ୧-୦ରେ ଆଗୁଆ ଅଛି। ଉଭୟ ଦଳ ମଧ୍ୟରେ ତୃତୀୟ ଟେଷ୍ଟ ଅଗଷ୍ଟ ୨୫ରୁ ଆରମ୍ଭ ହେବ।