ଲିସେଷ୍ଟର,୨୪।୬: ଭାରତ ଏବଂ ଲିସେଷ୍ଟରଶାୟାର୍ ମଧ୍ୟରେ ଖେଳାଯାଉଥିବା ଅଭ୍ୟାସ ମ୍ୟାଚ୍ ଖେଳାଯାଉଛି। ଏହି ମ୍ୟାଚ୍ରେ ଏକ ନିଆରା ଦୃଶ୍ୟ ଦେଖିବାକୁ ମିଳିଥିଲା। ଭାରତର ଖେଳାଳିମାନେ ରୋହିତ ଶର୍ମାଙ୍କ ଆଉଟ୍ ପରେ ସେଲିବ୍ରେସନ କରୁଥିବା ଦେଖାଯାଇଥିଲା।
ଗ୍ରେସ ରୋଡରେ ଚାରି ଦିନିଆ ୱାର୍ମ ଅପ ମ୍ୟାଚରେ ଭାରତ ଲିସେଷ୍ଟରଶାୟାର୍ ବିପକ୍ଷରେ ଖେଳୁଛି। ଏହି ମ୍ୟାଚରେ ରିଷଭ ପନ୍ତ, ଜସପ୍ରୀତ ବୁମ୍ରା ଚେତେଶ୍ୱର ପୂଜାରା ଏବଂ ପ୍ରସିଦ୍ଧ କ୍ରିଷ୍ଣାଙ୍କ ପରି କିଛି ଭାରତୀୟ ଖେଳାଳି କାଉଣ୍ଟି ଲିସେଷ୍ଟରଶାୟାର୍ ପାଇଁ ଖେଳୁଛନ୍ତି। ତେଣୁ ରୋହିତ ଶର୍ମା ଲିସେଷ୍ଟରଶାୟାର୍ ଫାଷ୍ଟ ବୋଲର ରୋମାନ ୱାକରଙ୍କ ବଲ୍ରେ ଏକ ସଟ ମାରିବାକୁ ଚେଷ୍ଟା କରି ଆଉଟ ହୋଇଥିଲେ।
ଏହା ପରେ ଲିସେଷ୍ଟରଶାୟାର୍ ପାଇଁ ଖେଳୁଥିବା ରିଷଭ ପନ୍ତ, ବୁମ୍ରା, ଚେତେଶ୍ୱର ପୂଜାରା ରୋହିତ ଶର୍ମାଙ୍କ ଆଉଟ୍ ପରେ ସେଲିବ୍ରେଶନ କରୁଥିବା ଦେଖାଯାଇଥିଲା। ରୋହିତ ଶର୍ମା ତାଙ୍କ ଇନିଂସରେ ତିନି ଚୌକା ସହ ୨୫ ରନ କରି ଆଉଟ ହୋଇଥିଲେ।