ଅହମ୍ମଦାବାଦ୍,୧।୨: ଭାରତ-ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ତିନୋଟି ଟି-୨୦ ସିରିଜର ଅନ୍ତିମ ମ୍ୟାଚ ଆଜି ଅହମ୍ମଦାବାଦର ନରେନ୍ଦ୍ର ମୋଦୀ ଷ୍ଟାଡିୟମରେ ଖେଳାଯିବ। ତିନି ମ୍ୟାଚ ବିଶିଷ୍ଟ ଟି-୨୦ ସିରିଜର ନିର୍ଣ୍ଣାୟକ ମ୍ୟାଚ ସିରିଜ ବର୍ତ୍ତମାନ ୧-୧ରେ ବରାବର ହୋଇଛି। ଏପରି ପରିସ୍ଥିତିରେ, ଯିଏ ଆସନ୍ତାକାଲି ଜିତିବ, ଏହି ସିରିଜ ତାଙ୍କ ନାମରେ ନାମିତ ହେବ।
ଟି-୨୦ ବିଶ୍ୱକପ ପରେ ଭାରତୀୟ ଦଳ ହାର୍ଦ୍ଦିକଙ୍କ ଅଧିନାୟକତ୍ୱରେ କୌଣସି ଟି-୨୦ ସିରିଜ ହାରି ନାହିଁ ଏବଂ ନ୍ୟୁଜିଲାଣ୍ଡ ବିପକ୍ଷରେ ମଧ୍ୟ ଏହି ବିଜୟ ଧାରା ବଜାୟ ରଖିବାକୁ ଚାହୁଁଛନ୍ତି।
ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଖେଳାଯିବାକୁ ଥିବା ଶେଷ ଟି-୨୦ ଭାରତୀୟ ସମୟ ଅପରାହ୍ନ ୭.୦୦ରେ ଆରମ୍ଭ ହେବ। ଟସ ମ୍ୟାଚର ଅଧ ଘଣ୍ଟା ପୂର୍ବରୁ ଅର୍ଥାତ୍ ୬.୩୦ଟାରେ ହେବ। ଏହି ମ୍ୟାଚ୍ର ସିଧା ପ୍ରସାରଣ ଷ୍ଟାର ସ୍ପୋର୍ଟସ ନେଟୱାର୍କରେ ପ୍ରସାରଣ ହେବ। ଏହା ବ୍ୟତୀତ ମ୍ୟାଚ ଡିଡି ସ୍ପୋର୍ଟସରେ ସିଧା ପ୍ରସାରଣ ହେବ। ଡିଜନୀ ହଟଷ୍ଟାର୍ରେ ମଧ୍ୟ ଦର୍ଶକ ଅନଲାଇନ ଷ୍ଟ୍ରିମିଂ ମାଧ୍ୟମରେ ମ୍ୟାଚ ଉପଭୋଗ କରିପାରିବେ।