ନୂଆଦିଲ୍ଲୀ,୨୭।୯: ନିକଟରେ ଅଷ୍ଟ୍ରେଲିଆ ବିପକ୍ଷ ଘରୋଇ ସିରିଜରେ ବିଜେତା ହୋଇଛି ଟିମ୍ ଇଣ୍ଡିଆ। ଏବେ ଦଳର ଲକ୍ଷ୍ୟ ଦକ୍ଷିଣ ଆଫ୍ରିକା ବିପକ୍ଷରେ ଖେଳିବାକୁ ଥିବା ଟି୨୦ ଏବଂ ଦିନିକିଆ ସିରିଜ ଉପରେ। ସେପ୍ଟେମ୍ବର ୨୮ରୁ ସିରିଜର ଆରମ୍ଭ ହେବାକୁ ଯାଉଛି।
ଭାରତ-ଦକ୍ଷିଣ ଆଫ୍ରିକା ମଧ୍ୟରେ ପ୍ରଥମେ ଟି୨୦ ସିରିଜ ଖେଳାଯିବ। ଏହାପରେ ଉଭୟ ଟିମ୍ ଦିନିକିଆ ସିରିଜ ଖେଳିବ। ତେବେ ଯଦି ଘରୋଇ ମଇଦାନରେ ଭାରତ ଦକ୍ଷିଣ ଆଫ୍ରିକାକୁ ହରାଏ ତେବେ ଏହା ଏକ ବଡ଼ ରେକର୍ଡ ହେବ। କାରଣ ପ୍ରଥମ ଥର ଲାଗି ଦଳ ଘରୋଇ ମଇଦାନରେ ଦ୍ୱିପାକ୍ଷୀୟ ଟି୨୦ ସିରିଜ ଜିତି ଇତିହାସ ରଚିବ।
ପୂର୍ବ ରେକର୍ଡ ଅନୁଯାୟୀ ଭାରତୀୟ ଟିମ୍ ବର୍ତ୍ତମାନ ସୁଦ୍ଧା ଦକ୍ଷିଣ ଆଫ୍ରିକା ବିପକ୍ଷରେ ତିନିଟି ଟି୨୦ ସିରିଜ ଖେଳିଛି। ୨୦୧୫ରେ ପ୍ରଥମେ ଖେଳାଯାଇଥିବା ସିରିଜରେ ଭାରତୀୟ ଟିମ୍ ପରାଜିତ ହୋଇଥିବା ବେଳେ ବାକି ଦୁଇଟିରେ ବରାବର ସ୍ଥିତି ରହିଥିଲା। ଏମିତିରେ ଦଳ ବିପକ୍ଷରେ ଭାରତ ପ୍ରଥମ ସିରିଜ ଜିତି ରେକର୍ଡ କରିବା ଲକ୍ଷ୍ୟରେ ଓହ୍ଲାଇବ।
ସୂଚୀ(ଟି-୨୦ ସିରିଜ)
-ପ୍ରଥମ ଟି୨୦- ସେପ୍ଟେମ୍ବର ୨୮, ତିରୁଅନନ୍ତପୁରମ୍,୭.୩୦ ସନ୍ଧ୍ୟା
-ଦ୍ୱିତୀୟ ଟି୨୦- ଅକ୍ଟୋବର ୨,ଗୌହ୍ବାଟି,୭.୩୦ ସନ୍ଧ୍ୟା
-ତୃତୀୟ ଟି୨୦- ଅକ୍ଟୋବର ୪, ଇନ୍ଦୋର, ୭.୩୦ ସନ୍ଧ୍ୟା
