ନୂଆଦିଲ୍ଲୀ, ୧୬।୬: ରବିବାର ୩ ମ୍ୟାଚ୍ ସିରିଜ୍ ବିଶିଷ୍ଟ ୱାନ୍ଡେ ଇଣ୍ଟରନ୍ୟାସନାଲର ପ୍ରଥମ ମ୍ୟାଚ୍ ବେଙ୍ଗାଲୁରର ଏମ୍ ଚିନ୍ନାସ଼୍ବାମୀ ଷ୍ଟାଡିୟମ୍ରେ ଅନୁଷ୍ଠିତ ହେବ । ଭାରତ ଏବଂ ଦକ୍ଷିଣ ଆଫ୍ରିକାର ମହିଳା କ୍ରିକେଟ୍ ଟିମ୍ ମଧ୍ୟରେ ଏହି ମ୍ୟାଚ୍ ଖେଳାଯିବ । ଦୁଇ ଟିମ୍ ଏହି ସିରିଜ୍ ଜରିଆରେ ବାଂଲାଦେଶରେ ଅକ୍ଟୋବର ମାସରେ ଆୟୋଜିତ ହେବାକୁ ଥିବା ଟି-୨୦ ବିଶ଼୍ବକପ୍ ୨୦୨୪ ପାଇଁ ପ୍ରସ୍ତୁତି ଚୂଡ଼ାନ୍ତ କରିବେ । ହରମନ୍ପ୍ରୀତ୍ କୌରଙ୍କ ଅଧିନାୟକତ଼୍ବରେ ଭାରତୀୟ ମହିଳା କ୍ରିକେଟ୍ ଟିମ୍ ଚଳିତ ବର୍ଷ ଜାନୁଆରୀ ମାସରେ ୱାନ୍ଡେ ଓ ଟି-୨୦ରେ ଅଷ୍ଟ୍ରେଲିଆ ଠାରୁ ହାରି ଯାଇଥିଲା । ଏହାପରେ ଭାରତୀୟ ଟିମ୍ ବାଂଲାଦେଶକୁ ତାର ଘରୋଇ ମାଟିରେ ଟି-୨୦ ସିରିଜ୍କୁ ୫-୦ରେ ପରାସ୍ତ କରିଥିଲା । ତେବେ ଦକ୍ଷିଣ ଆଫ୍ରିକା ବିପକ୍ଷ ମ୍ୟାଚ୍ରେ ଟିମ୍ ଏହି ସଫଳତା ବଜାୟ ରଖିବାକୁ ଚେଷ୍ଟା କରିବା ବୋଲି ଜଣାପଡ଼ିଛି ।