ଡୋମିନିକା,୧୮।୭: ୱେଷ୍ଟଇଣ୍ଡିଜ ବିପକ୍ଷରେ ଭାରତୀୟ ଦଳ ସିରିଜର ପ୍ରଥମ ଟେଷ୍ଟରେ ଜବିଜୟ ହାସଲ କରିଛି। ବର୍ତ୍ତମାନ ଏହି ଟେଷ୍ଟ ସିରିଜର ଦ୍ୱିତୀୟ ଏବଂ ଶେଷ ମ୍ୟାଚ ଜୁଲାଇ ୨୦ରୁ ପୋର୍ଟ ଅଫ ସ୍ପେନ ଗ୍ରାଉଣ୍ଡରେ ଖେଳାଯିବ। ଏହି ଟେଷ୍ଟ ଖେଳିବା ପାଇଁ ଟିମ ଇଣ୍ଡିଆ ତ୍ରିନିଡାଡରେ ପହଞ୍ଚିଛି ଏବଂ ଜୁଲାଇ ୧୯ରୁ ଏହା କୁଇନ୍ସ ପାର୍କ ଓଭାଲରେ ଅଭ୍ୟାସ ଆରମ୍ଭ କରିବ। ଟିମ ଇଣ୍ଡିଆ ପାଇଁ ଏହି ଟେଷ୍ଟ ମ୍ୟାଚ କୌଣସି ଜିନିଷକୁ ପରୀକ୍ଷା କରିବା ପାଇଁ ଗୁରୁତ୍ୱପୂର୍ଣ୍ଣ ପ୍ରମାଣିତ ହେବାକୁ ଯାଉଛି।
ଦ୍ୱିତୀୟ ଟେଷ୍ଟ ମ୍ୟାଚରେ ଭାରତୀୟ ଦଳକୁ ଭାରି ପଡିବା ନେଇ ବିବେଚନା କରାଯାଉଛି, ହେଲେ ରୋହିତ ଶର୍ମାଙ୍କ ଅଧିନାୟକତ୍ୱରେ ଦଳକୁ ଶକ୍ତି ପରୀକ୍ଷା କରିବାର ଭଲ ସୁଯୋଗ ରହିଛି। ଏହା ପରେ ଭାରତକୁ ବର୍ଷ ଶେଷରେ ଦକ୍ଷିଣ ଆଫ୍ରିକା ଗସ୍ତରେ ପରବର୍ତ୍ତୀ ଟେଷ୍ଟ ସିରିଜ ଖେଳିବାକୁ ପଡିବ।
ବିଶ୍ୱ ଟେଷ୍ଟ ଚାମ୍ପିୟନସିପ ୨୦୨୩-୨୫ ଚକ୍ରକୁ ଦେଖିଲେ ଟିମ ଇଣ୍ଡିଆ ଏହି ଟେଷ୍ଟ ଜିତି ସିରିଜ ୨-୦ରେ ଶେଷ କରିବାକୁ ଚାହିଁବ। ଭାରତୀୟ ଦଳର ଦୁଇ ଗୁରୁତ୍ୱପୂର୍ଣ୍ଣ ବ୍ୟାଟ୍ସମ୍ୟାନ ଶୁବମାନ ଗିଲ ଏବଂ ଅଜିଙ୍କ୍ୟ ରାହାନେଙ୍କ ବ୍ୟାଟ୍ ପ୍ରଥମ ଟେଷ୍ଟରେ ନୀରବ ରହିଥିଲା। ଏଭଳି ପରିସ୍ଥିତିରେ ଏହି ଦୁଇ ଖେଳାଳିଙ୍କ ପ୍ରଦର୍ଶନ ଏହି ଶେଷ ଟେଷ୍ଟରେ ଟିମ ଇଣ୍ଡିଆ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ବୋଲି ପ୍ରମାଣିତ ହେବାକୁ ଯାଉଛି।