ମୁମ୍ବାଇ,୧୩।୭: ଶନିବାର ହରାରେ ଖେଳାଯାଇଥିବା ଜିମ୍ବାୱେ ବିପକ୍ଷ ଚତୁର୍ଥ ଟି୨୦ ମୁକାବିଲାକୁ ୧୦ ଓ୍ବିକେଟ୍ରେ ବିଜୟୀ ହୋଇଛି ଭାରତୀୟ ଟିମ୍। ଏଥି ସହିତ ପାଞ୍ଚ ମ୍ୟାଚ୍ ବିଶିଷ୍ଟ ସିରିଜରେ ୩-୧ ର ଅଗ୍ରଣୀ ହାସଲ କରିଛି ଭାରତ। ଟସ୍ ଜିତି ଭାରତୀୟ ଅଧିନାୟକ ଶୁଭମନ ଗିଲ ବୋଲିଂ ନିଷ୍ପତି ନେଇଥିଲେ।
ପ୍ରଥମେ ବ୍ୟାଟିଂ କରିବାକୁ ନିମନ୍ତ୍ରଣ ପାଇବା ପରେ ଜିମ୍ବାୱେ ଟିମ୍ ୧୫୩ ରନର ଟାର୍ଗେଟ ଭାରତ ଆଗରେ ରଖିଥିଲା। ଜବାବରେ ଭାରତ ବିନା କୌଣସି ଓ୍ବିକେଟ୍ ହରାଇ ୧୫ ଓଭର ୨ଟି ବଲରେ ବିଜୟ ଲକ୍ଷ୍ୟ ହାସଲ କରି କରିଛି। ଭାରତ ପାଇଁ ଓପନର ଯଶସ୍ୱୀ ଜୟସ୍ବାଲ ୫୩ ବଲରୁ ୯୩ ରନ୍ ସଂଗ୍ରହ କରିଥବା ବେଳେ ଶୁବମାନ ଗିଲ ୩୯ ବଲରୁ ଅପରାଜିତ ୫୮ ରନ୍ କରିଥିଲେ।
ଏହାପୂର୍ବରୁ ଜିମ୍ବାୱେ ପାଇଁ ସିକନ୍ଦର ରଜା ୨୮ ବଲରୁ ୪୬ ର ଏକ ଗୁରୁତ୍ୱପୂର୍ଣ୍ଣ ନକ୍ ଖେଳିଥିଲେ। ଯାହା ବଳାଇର ଜିମ୍ବାୱେ ୧୫୨ ରନର ବିଜୟ ଲକ୍ଷ୍ୟ ଧାର୍ୟ୍ୟ କରିଥିଲା। ଭାରତ ପାଇଁ ଖଲିଲ ଅହମଦ ୪ ଓଭରରେ ୩୨ ରନ୍ ବ୍ୟୟ କରି ୨ଟି ଓ୍ବିକେଟ୍ ନେଇଥିବା ବେଳେ ପଦାର୍ପଣ କରିଥିବା ତୁଷାର ଦେଶପାଣ୍ଡେ, ୱାସିଂଟନ ସୁନ୍ଦର, ଅଭିଷେକ ଶର୍ମା ଏବଂ ଶୀଭମ ଦୁବେ ଗୋଟିଏ ଲେଖାଏ ଓ୍ବିକେଟ୍ ପାଇଥିଲେ।
