ରୋସେଉ,୧୧।୭: ଓ୍ବେଷ୍ଟଇଣ୍ଡିଜ ବିପକ୍ଷରେ ୨ ମ୍ୟାଚ୍ ବିଶିଷ୍ଟ ଟେଷ୍ଟ କ୍ରିକେଟ ସିରିଜ ଖେଳିବ ଭାରତ। ବୁଧବାରଠାରୁ ଆରମ୍ଭ ହେବାକୁ ଥିବା ଏହି ସିରିଜ ଉଭୟ ଦଳ ଲାଗି ବେଶ ଗୁରୁତ୍ୱ ବହନ କରୁଛି। ଭାରତୀୟ ଖେଳାଳିଙ୍କ ମଧ୍ୟରୁ ଯୁବ ବ୍ୟାଟର ଯଶସ୍ବୀ ଜୟସ୍ବାଲଙ୍କ ଉପରେ ସମସ୍ତଙ୍କ ନଜର ରହିଛି। କାରଣ ସେ ନିଜର ଟେଷ୍ଟ କ୍ୟାରିୟର ଏହି ମ୍ୟାଚ୍ରୁ ଆରମ୍ଭ କରିବେ ବୋଲି ଅଧିନାୟକ ରୋହିତ ଶର୍ମା ସ୍ପଷ୍ଟ କରିଛନ୍ତି। ସେହିଭଳି ପ୍ରଥମ ଥର ଲାଗି ଦିନିକିଆ ବିଶ୍ୱକପ୍ ଯୋଗ୍ୟତା ଅର୍ଜନରେ ବିଫଳ ହୋଇଥିବା ଓ୍ବେଷ୍ଟଇଣ୍ଡିଜ ଏହି ସିରିଜରେ ଅନେକ କିଛି ପ୍ରମାଣ କରିବାକୁ ଚେଷ୍ଟା କରିବ।
ପୂର୍ବ ରେକର୍ଡ ମୁତାବକ ଭାରତ-ଓ୍ବେଷ୍ଟଇଣ୍ଡିଜ ମଧ୍ୟରେ ମୋଟ ୯୮ ମ୍ୟାଚ୍ ଖେଳାଯାଇଛି। ସେଥିରୁ ୩୦ରେ ଓ୍ବେଷ୍ଟଇଣ୍ଡିଜ ବିଜୟୀ ହୋଇଥିବା ବେଳେ ୨୨ରେ ବିଜେତା ହୋଇଛି ଭାରତ। ସେହିଭଳି ୪୬ ମ୍ୟାଚ୍ ଡ୍ର ହୋଇଛି।
ମ୍ୟାଚ୍ ଆରମ୍ଭ ସମୟ: ବୁଧବାର ସନ୍ଧ୍ୟା ୭ଟା ୩୦
କେଉଁଡି ଦେଖିବେ: ଡିଡି ସ୍ପୋଟର୍ସ