ଲାଉସାନେ, ୧୮ା୭ (ପି.ଟି.)-ଟୋକିଓ ଅଲିମ୍ପିକ୍ସରେ ଆସନ୍ତା ବର୍ଷ ଜୁଲାଇ ୨୪ରେ ଭାରତୀୟ ପୁରୁଷ ହକି ଦଳ ଏହାର ପ୍ରଥମ ମ୍ୟାଚ ନ୍ୟୁଜିଲାଣ୍ଡ ବିପକ୍ଷରେ ଖେଳିବ। ଅନ୍ୟପକ୍ଷରେ ସେହିଦିନ ମହିଳା ଦଳ ଶକ୍ତିଶାଳୀ ନେଦରଲାଣ୍ଡ୍ସକୁ ଭେଟିବ। ୮ଥର ଚାମ୍ପିୟନ ଭାରତ କଷ୍ଟସାଧ୍ୟ ପୁଲ୍-ଏ’ରେ ଅଷ୍ଟ୍ରେଲିଆ, ଆର୍ଜେଣ୍ଟିନା, ସ୍ପେନ, ନ୍ୟୁଜିଲାଣ୍ଡ ଏବଂ ଆୟୋଜକ ଜାପାନ ସହ ସ୍ଥାନ ପାଇଛି। ପୁଲ୍-ବି’ରେ ବେଲଜିୟମ, ନେଦରଲାଣ୍ଡ୍ସ, ଜର୍ମାନୀ, ଗ୍ରେଟବ୍ରିଟେନ, କାନାଡା ଓ ଦକ୍ଷିଣ ଆଫ୍ରିକା ରହିଛନ୍ତି। ୧୯୮୦ରେ ଏହାର ୮ମ ଅଲିମ୍ପିକ ସ୍ବର୍ଣ୍ଣ ପଦକ ଜିତିଥିବା ଭାରତୀୟ ପୁରୁଷ ଦଳ ଜୁଲାଇ ୨୫ରେ ଅଷ୍ଟ୍ରେଲିଆକୁ ଭେଟିବ। ଦଳ ଏହାର ପରବର୍ତ୍ତୀ ମ୍ୟାଚଗୁଡ଼ିକ ଯଥାକ୍ରମେ ସ୍ପେନ (ଜୁଲାଇ ୧୭), ଗତଥର ଚାମ୍ପିୟନ ଆର୍ଜେଣ୍ଟିନା (ଜୁଲାଇ ୨୯) ଓ ଜାପାନ (ଜୁଲାଇ ୩୦)କୁ ଭେଟିବ। ସେହିପରି ମହିଳା ପ୍ରତିଯୋଗିତାରେ ଭାରତ ପୁଲ୍-ଏ’ରେ ନେଦରଲାଣ୍ଡ୍ସ, ଜର୍ମାନୀ, ଗ୍ରେଟ୍ବ୍ରିଟେନ, ଆୟର୍ଲାଣ୍ଡ ଓ ଦକ୍ଷିଣ ଆଫ୍ରିକା ସହ ରହିଛି। ଅନ୍ୟପକ୍ଷରେ ପୁଲ୍-ବି’ରେ ଅଷ୍ଟ୍ରେଲିଆ, ଆର୍ଜେଣ୍ଟିନା, ନ୍ୟୁଜିଲାଣ୍ଡ, ସ୍ପେନ, ଚାଇନା ଓ ଜାପାନ ସ୍ଥାନ ପାଇଛନ୍ତି। ମହିଳା ଦଳ ଜୁଲାଇ ୨୪ରେ ଏହାର ଓପନିଂ ମ୍ୟାଚ ନେଦରଲାଣ୍ଡ୍ସ ବିପକ୍ଷରେ ଖେଳିବା ପରେ ଯଥାକ୍ରମେ ଜର୍ମାନୀ (ଜୁଲାଇ ୨୬), ଗ୍ରେଟ୍ବ୍ରିଟେନ (ଜୁଲାଇ ୨୮), ଆର୍ଜେଣ୍ଟିନା (ଜୁଲାଇ ୨୯) ଓ ଜାପାନ (ଜୁଲାଇ ୩୦)କୁ ଭେଟିବ।