ନୂଆଦିଲ୍ଲୀ,୨୮ା୮: ଓମାନର ସାଲାହାଠାରେ ବାଂଲାଦେଶ ବିପକ୍ଷ ଏସିଆନ ୫ଏସ୍ ପୁରୁଷ ହକି ବିଶ୍ୱକପ୍ କ୍ୱାଲିଫାୟର୍ସରେ ଭାରତୀୟ ମଙ୍ଗଳବାର ବାଂଲାଦେଶ ବିପକ୍ଷରେ ଖେଳି ଅଭିଯାନ ଆରମ୍ଭ କରିବ। ପ୍ରତିଯୋଗିତାର ଏଲିଟ୍ ପୁଲ୍’ରେ ଭାରତ ସହ ମାଲେସିଆ, ପାକିସ୍ତାନ, ଜାପାନ, ଓମାନ ଓ ବାଂଲାଦେଶ ସ୍ଥାନ ପାଇଛନ୍ତି। ସେହିପରି ଚ୍ୟାଲେଞ୍ଜର୍ସ ପୁଲ୍ରେ ହଂକଂ, ଚାଇନା, ଇଣ୍ଡୋନେସିଆ, ଆଫଗାନିସ୍ତାନ, କାଜାଖସ୍ତାନ ଓ ଇରାନ ରହିଛନ୍ତି। ବାଂଲାଦେଶ ବିପକ୍ଷ ଓପିନଂ ମୁକାବିଲା ପରେ ଭାରତ ଅଗଷ୍ଟ ୩୦ରେ ଓମାନ ଓ ପାକିସ୍ତାନକୁ ଭେଟିବ। ଅଗଷ୍ଟ ୩୧ରେ ଦଳ ମାଲେସିଆ ଓ ଜାପାନ ସହ ମୁକାବିଲା କରିବ। ଏଫ୍ଆଇଏଚ୍ ୫ଏସ୍ ହକି ବିଶ୍ୱକପ୍ ୨୦୨୪ରେ ସ୍ଥାନ ପାଇବାକୁ ହେଲେ ଭାରତକୁ ପ୍ରଥମ ୩ ମଧ୍ୟରେ ରହିବାକୁ ପଡ଼ିବ।