ହାଙ୍ଗଝୋ,୨୭।୯: ଏସୀୟ ଗେମ୍ସ ୨୦୨୩ରେ ଭାରତ ଭଲ ପ୍ରଦର୍ଶନ କରୁଛି। ବୁଧବାର ଶୁଟିଂରେ ଅନନ୍ତଜିତ୍ ସିଂ ୫୮ ସ୍କୋର ସହ ପୁରୁଷ ସ୍କିଟ ଇଭେଣ୍ଟରେ ରୌପ୍ୟ ପଦକ ଜିତିଛନ୍ତି। ଏହି ଇଭେଣ୍ଟରେ କୁଏତର ଅବଦୁଲ୍ଲା ଅଲ ରସିଡି ୬୦ ରୁ ୬୦ ସ୍କୋର କରି ସ୍ବର୍ଣ୍ଣ ପଦକ ଜିତିଛନ୍ତି।
ଅନନ୍ତଜିତ ସିଂ ୬୦ ରୁ ୫୮ ରନ କରିବାରେ ସଫଳ ହୋଇଥିଲେ। ଏସିଆନ ଗେମ୍ସ ୨୦୨୩ରେ ଶୁଟିଂରେ ଏହା ହେଉଛି ଭାରତର ୧୧ତମ ପଦକ। ପୂର୍ବ ସଂସ୍କରଣ ତୁଳନାରେ ଏପର୍ଯ୍ୟନ୍ତ ଏହା ହେଉଛି ସର୍ବଶ୍ରେଷ୍ଠ ଶୁଟିଂ ପ୍ରଦର୍ଶନ। ଏହାପୂର୍ବରୁ ଶୁଟିଂରେ ପୁରୁଷ ସ୍କିଟ ଦଳ ଇଭେଣ୍ଟରେ ଭାରତ ବ୍ରୋଞ୍ଜ ପଦକ ଜିତିଥିଲା।
୪୯ବର୍ଷ ପରେ ପୁରୁଷ ସ୍କିଟ ସିଙ୍ଗଲ୍ସ ଇଭେଣ୍ଟରେ ଭାରତ ପଦକ ଜିତିଛି । ବର୍ତ୍ତମାନ ପର୍ଯ୍ୟନ୍ତ ଭାରତ ଏସୀୟ ଗେମ୍ସରେ ୨୨ଟି ପଦକ ଜିତିଛି। ଏଥିରେ ୫ଟି ସ୍ବର୍ଣ୍ଣ, ୭ଟି ରୌପ୍ୟ ଏବଂ ୧୦ଟି ବ୍ରୋଞ୍ଜ ଅଛି।