ମୁମ୍ବାଇ,୬।୧୨: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଚାଲିଥିବା ସିରିଜର ଦ୍ୱିତୀୟ ତଥା ଅନ୍ତିମ ଟେଷ୍ଟ ମ୍ୟାଚରେ ଭାରତ ବୃହତ୍ ବିଜୟ ହାସଲ କରିଛି। ମୁମ୍ବାଇର ୱାଙ୍ଖେଡେ ଷ୍ଟାଡିୟମରେ ଖେଳାଯାଉଥିବା ଏହି ମ୍ୟାଚ୍ରେ ଭାରତ ନ୍ୟୁଜିଲାଣ୍ଡକୁ ୩୭୨ ରନ୍ରେ ପରାସ୍ତ କରିଛି। ଫଳରେ ଦୁଇ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍କୁ ଭାରତ ୧-୦ରେ ଜିତିନେଇଛି। ସିରିଜ୍ର ପ୍ରଥମ ମ୍ୟାଚ୍ ଡ୍ର’ ରହିଥିଲା। ମ୍ୟାଚ୍ର ଚତୁର୍ଥ ଦିନରେ ଜୟନ୍ତ ଯାଦବ ଚମତ୍କାର ବୋଲିଂ କରିଥିଲେ। ସେ ନ୍ୟୁଜିଲାଣ୍ଡର ୪ ଖେଳାଳିଙ୍କ ପାଭିଲିୟନକୁ ପଠାଇ ଦେଇଥିଲେ।
ନ୍ୟୁଜିଲାଣ୍ଡ ସମ୍ମୁଖରେ ଭାରତ ୫୪୦ ରନର ଏକ ବଡ଼ ଲକ୍ଷ୍ୟ ସ୍ଥିର କରିଥିଲା। ପ୍ରଥମ ଇନିଂସରେ ୩୨୫ ରନ ସ୍କୋର କରିଥିବା ଭାରତ ଏହି ମ୍ୟାଚ ଦ୍ୱିତୀୟ ଇନିଂସରେ ୨୭୬ ରନ୍ରେ ପାଳି ସମାପ୍ତି ଘୋଷଣା କରିଥିଲା। ପ୍ରଥମ ଇନିଂସରେ ନ୍ୟୁଜିଲାଣ୍ଡ ମାତ୍ର ୬୨ ରନରେ ଅଲଆଉଟ୍ ହୋଇଥିଲା। ଦ୍ୱିତୀୟ ଇନିଂସରେ ନ୍ୟୁଜିଲାଣ୍ଡ ୧୬୭ ରନ୍ରେ ଅଲଆଉଟ୍ ହୋଇଥିଲା। ଫଳରେ ଭାରତ ମ୍ୟାଚ୍କୁ ୩୭୨ ରନ୍ରେ ଜିତିନେଇଛି।