ଲଣ୍ଡନ,୬।୯: ପ୍ରଥମ ଇନିଂସରେ ୯୯ ରନ୍ରେ ପଛୁଆ ଥିବା ଟିମ୍ ଇଣ୍ଡିଆ ଶେଷରେ ବାଜିମାତ୍ କରିଛି। ଓଭାଲ ଟେଷ୍ଟର ପଞ୍ଚମ ଦିନରେ ୧୫୭ ରନ୍ରେ ଇଂଲଣ୍ଡକୁ ହରାଇ ଦେଇଛି। ଏଥିସହ ସିରିଜରେ ୨-୧ରେ ଆଗୁଆ ହୋଇଛି ଟିମ୍ ଇଣ୍ଡିଆ।
ପଞ୍ଚମ ତଥା ଅନ୍ତିମ ଟେଷ୍ଟ ମାଞ୍ଚେଷ୍ଟରରେ ଆସନ୍ତା ୧୦ ତାରିଖରୁ ଆରମ୍ଭ ହେବ। ଏହି ମ୍ୟାଚ ଜିତିବା ଫଳରେ ଭାରତ ଅତିକମ୍ରେ ଏହି ସିରିଜରେ ଆଉ ପରାଜୟ ବରଣ ନ କରିବା ସ୍ପଷ୍ଟ ହୋଇଛି।
ପ୍ରଥମ ଇନିଂସରେ ୯୯ ରନ୍ପଛରେ ପଡିଥିବା ଭାରତ ଦ୍ୱିତୀୟ ଇନିଂସରେ ୧୪୮. ୨ ଓଭରରେ ୪୬୬ ରନ୍ କରି ଅଲଆଉଟ ହୋଇଥିଲା। ଫଳରେ ଇଂଲଣ୍ଡ ସମ୍ମୁଖରେ ୩୬୮ ରନ୍ର ବିଜୟ ଲକ୍ଷ୍ୟ ଧାର୍ଯ୍ୟ ହୋଇଥିଲା। ଜବାବରେ ଦ୍ୱିତୀୟ ଇନିଂସ ଆରମ୍ଭ କରି ଇଲଣ୍ଡ ସୋମବାର ପଞ୍ଚମ ତଥା ଅନ୍ତିମ ଦିବସର ଚା’ ପାନ ବିରତି ପରେ ୯୨.୨ ଓଭରରେ ୨୧୦ ରନ୍ କରି ଅଲ୍ଆଉଟ ହେବା ସହ ଏକ ପ୍ରକାର ଆତ୍ମସମର୍ପଣ କରିଛି। ଇଂଲଣ୍ଡ ମିଡିଲ ଅର୍ଡର ବ୍ୟାଟ୍ସମ୍ୟାନ ଭାରତୀୟ ବୋଲରଙ୍କ ସମ୍ମୁଖୀନ ହୋଇ ନ ପାରି ନିରାଶ କରିଥିଲେ। ଭାରତୀୟ ବୋଲରମାନେ ଉଚ୍ଚକୋଟୀର ପ୍ରଦର୍ଶନ କରିଥିଲେ।
