ଲକ୍ଷ୍ନୌ,୨୪।୨: ସ୍ଥାନୀୟ ଅଟଳ ବିହାରୀ ବାଜପେୟୀ ଏକାନା କ୍ରିକେଟ ଷ୍ଟାଡିୟମରେ ଗୁରୁବାର ଚାଲିଥିବା ଭାରତ-ଶ୍ରୀଲଙ୍କା ପ୍ରଥମ ଟି-୨୦ ମ୍ୟାଚରେ ଭାରତ ଶ୍ରୀଲଙ୍କାକୁ ୬୨ ରନ୍ରେ ପରାସ୍ତ କରିଛି । ୨୦୦ ରନ୍ର ଜବାବରେ ଶ୍ରୀଲଙ୍କା ୨୦ ଓଭରରେ ୬ ଉଇକେଟ ହରାଇ ୧୩୭ ରନ୍ କରିଥିଲା। ଦଳ ପକ୍ଷରୁ ଚରିଥ ଅସଲଙ୍କା ସର୍ବାଧିକ ୫୩ ରନ୍ କରିଥିବା ବେଳେ ଚମିକା କରୁଣାରତ୍ନେ ୨୧ ଏବଂ ଦୁଷ୍ମନ୍ତ ଚମିରା ୨୪ ରନ୍ କରିବାରେ ସଫଳ ହୋଇଥିଲେ। ଭାରତ ପକ୍ଷରୁ ଭୁବନେଶ୍ବର କୁମାର ଓ ଭେଙ୍କଟେଶ୍ବର ଆୟର ୨ଟି ଲେଖାଏ ଉଇକେଟ ନେଇଥିଲେ ।
ଶ୍ରୀଲଙ୍କା ଟସ୍ ଜିତି ବୋଲିଂ କରିବାକୁ ନିଷ୍ପତ୍ତି ନେଇଥିଲା । ବ୍ୟାଟିଂ କରି ଭାରତ ୨୦ ଓଭରରେ ୨ଟି ଉଇକେଟ ହରାଇ ୧୯୯ ରନ୍ କରିଥିଲା । ଭାରତର ଓପନର ଇଶାନ କିଶନ ୫୬ ବଲରେ ବିସ୍ଫୋରକ ୮୯ କରିଥିଲେ । ସେହିପରି ଅଧିନାୟକ ରୋହିତ ଶର୍ମା ୪୪ ରନ୍ କରିଥିବା ବେଳେ ଶ୍ରେୟସ ଆୟର ୫୭ ରନ୍ କରି ନଟ୍ ଆଉଟ ରହିଥିଲେ। ଶ୍ରୀଲଙ୍କା ପକ୍ଷରୁ ଲାହିରୁ କୁମାରା ଏବଂ ଦାସୁନ ସନକା ଗୋଟିଏ ଲେଖାଏ ଉଇକେଟ ନେବାରେ ସଫଳ ହୋଇଥିଲେ।
