ଦୁବାଇ,୨୦।୧୦: ସ୍ଥାନୀୟ ଆଇସିସି ଏକାଡେମୀରେ ବୁଧବାର ଦ୍ୱିତୀୟ ଓ୍ବାର୍ମଅପ୍ ମ୍ୟାଚ୍ରେ ଟିମ୍ ଇଣ୍ଡିଆକୁ ମିଳିଛି ଜବରଦସ୍ତ ବିଜୟ। ଅଷ୍ଟ୍ରେଲିଆ ଦ୍ୱାରା ଧାର୍ଯ୍ୟ ୧୫୩ରନ୍ର ଟାର୍ଗେଟକୁ ଟିମ୍ ଇଣ୍ଡିଆ ସହଜରେ ୧୭.୫ ଓଭରରେ ହାସଲ କରି ନେଇଛି।
ଲୋକେଶ ରାହୁଲ ଓ ରୋହିତ ଶର୍ମା ୯.୨ ଓଭରରେ ୬୮ ରନ୍ ଯୋଡ଼ିଥିଲେ। ଆରମ୍ଭରୁ ବିସ୍ଫୋରକ ବ୍ୟାଟିଂ କରିଥିବା ରାହୁଲ ୩୧ବଲରେ ୨ ଚୌକା ଓ ୩ ଛକା ସହାୟତାରେ ୩୯ ରନ୍ କରି ଆଷ୍ଟନ ଅଗର ବଲ୍ରେ ଆଉଟ ହୋଇଥିଲେ। ୬୦ ରନ୍ର ପାଳି ଖେଳିଥିଲେ ଅଧିନାୟକ ରୋହିତ । ରିଟାର୍ଡ ହର୍ଟ ହେବା ପୂର୍ବରୁ ସେ ୫ ଚୌକା ଓ ୩ ଛକା ଲାଗାଇଥିଲେ। ସୂର୍ଯ୍ୟକୁମାର ଯାଦବ ୩୮ ହାର୍ଦ୍ଦିକ ପାଣ୍ଡ୍ୟା ୧୪ ରନ୍ (୧ଛକା)ର ପାଳି ଖେଳିଥିଲେ। ଫଳରେ ଭାରତ ୧୭.୮ ଓଭରରେ ୧ ଉକେଟ ହରାଇ ମ୍ୟାଚ୍ ଜିତି ନେଇଥିଲା। ପୂର୍ବରୁ ପ୍ରଥମେ ବ୍ୟାଟିଂ କରିଥିବା ଅଷ୍ଟ୍ରେଲିଆ ୫ ଉଇକେଟ ହରାଇ ୧୫୨ ରନ୍ କରିଥିଲା। ଦ୧ ପାଇଁ ଷ୍ଟିଭ ସ୍ମିଥ ୪୮ବଲ୍ରେ ୫୭ ରନ୍ କରିଥିବା ବେଳେ ମାର୍କସ ଷ୍ଟୋଇନିସଙ୍କ ୨୫ବଲ୍ରେ ୪୍ବଆ ରନ୍ ଓ ଗ୍ଲେନ ମାକ୍ସଓ୍ବେଲ ୩୭ ରନ୍ର ପାଳି ଖେଳିଥିଲେ।
