ଓ୍ବାଙ୍ଖଡେ,୧।୧୧: ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ତିନି ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଶେଷ ମ୍ୟାଚ ଶୁକ୍ରବାର ଠାରୁ ଖେଳାଯାଉଛି। ନ୍ୟୁଜିଲାଣ୍ଡର ଅଧିନାୟକ ଟମ ଲାଥାମ ଟସ ଜିତି ଭାରତ ବିପକ୍ଷରେ ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଛନ୍ତି। କ୍ୟାପଟେନ ଲାଥାମ ପ୍ଲେ-୧୧ରେ ଦୁଇଟି ପରିବର୍ତ୍ତନ କରିଛନ୍ତି। ଗତ ମ୍ୟାଚରେ ଭାରତକୁ ଅସୁବିଧାରେ ପକାଇଥିବା ମିଚେଲ ସାଣ୍ଟନର୍ ଏହି ମ୍ୟାଚରେ ଖେଳୁ ନାହାଁନ୍ତି। ତାଙ୍କ ସ୍ଥାନରେ ଇଶ ସୋଡି ପ୍ଲେ -୧୧ରେ ଅନ୍ତର୍ଭୁକ୍ତ ହୋଇଛନ୍ତି। ଏଥି ସହିତ, ଟିମ ସାଉଥୀଙ୍କ ସ୍ଥାନରେ ମ୍ୟାଟ ହେନେରୀ ପ୍ଲେ-୧୧ରେ ଅନ୍ତର୍ଭୁକ୍ତ ହୋଇଛନ୍ତି। ଏଥି ସହିତ ଭାରତୀୟ ଅଧିନାୟକ ରୋହିତ ଶର୍ମା ପ୍ଲେ-୧୧ରେ ପରିବର୍ତ୍ତନ କରିଛନ୍ତି। ଜସପ୍ରୀତ ବୁମରା ସ୍ବାସ୍ଥ୍ୟାବସ୍ଥା ଠିକ୍ ନାହାନ୍ତି। ଏଭଳି ପରିସ୍ଥିତିରେ ମହମ୍ମଦ ସିରାଜଙ୍କୁ ଏକ ସୁଯୋଗ ଦିଆଯାଇଛି।
ନ୍ୟୁଜିଲାଣ୍ଡ ପ୍ରଥମେ ବ୍ୟାଟିଂ କରି ପ୍ରାରମ୍ଭିକ ବିପର୍ଯ୍ୟୟୁ ଘଟିଛି ଦଳ ଲଞ୍ଚ ପର୍ଯ୍ୟନ୍ତ ୯୩ ରନ୍ରେ ୩ଟି ଉଇକେଟ୍ ହରାଇଛି। ଭାରତ ପକ୍ଷରୁ ଓ୍ବାଶିଂଟନ ସୁନ୍ଦର ଦୁଇଟି ଉଇକେଟ୍ ନେଇଛନ୍ତି। ଆକାଶଦୀପ ଗୋଟିଏ ଉଇକେଟ୍ ନେଇଛନ୍ତି।
କିୱି ଦଳ ଏହି ସିରିଜରେ ୨-୦ ଅଗ୍ରଣୀ ହାସଲ କରିସାରିଛି। ଏଭଳି ପରିସ୍ଥିତିରେ ଟିମ ଇଣ୍ଡିଆ ନିଜକୁ କ୍ଲିନ୍ ସୁଇପ୍ରୁ ରକ୍ଷା କରିବାକୁ ବାହାରିଛି। ବେଙ୍ଗାଲୁରୁରେ ଖେଳାଯାଇଥିବା ପ୍ରଥମ ଟେଷ୍ଟକୁ ୮ଟି ଉଇକେଟ ଏବଂ ପୁଣେରେ ଖେଳାଯାଇଥିବା ଦ୍ୱିତୀୟ ଟେଷ୍ଟକୁ ୧୧୩ ରନ୍ରେ ନ୍ୟୁଜିଲାଣ୍ଡ ଜିତିଥିଲା।