ଭାରତୀୟ ବାୟୁସେନାର ୯୦ତମ ପ୍ରତିଷ୍ଠା ଦିବସ, ଚଣ୍ଡିଗଡ଼ରେ ଦେଖାଯିବ ବାୟୁବୀରଙ୍କ ଶକ୍ତି

ଚଣ୍ଡିଗଡ଼,୮ ।୧୦: ଭାରତୀୟ ବାୟୁସେନା ଶନିବାର ତା’ର ୯୦ ତମ ପ୍ରତିଷ୍ଠା ଦିବସ ପାଳନ କରୁଛି । ଗୁରୁତ୍ୱପୂର୍ଣ୍ଣ କଥା ହେଲା ପ୍ରଥମଥର ଲାଗି କୌଣସି ଏୟାର ବେସ ବାହାରେ ଚଣ୍ଡିଗଡ଼ର ସୁପ୍ରସିଦ୍ଧ ସୁଖନା ଲେକର ଆକାଶରେ ବାୟୁସେନାର ଶକ୍ତି ଦେଖିବାକୁ ମିଳିବ, ଯାହାର ଗର୍ଜନ ଚାଇନାଠରୁ ପାକିସ୍ତାନ ସୀମା ପର୍ଯ୍ୟନ୍ତ ଶୁଣାଯିବ । ଏହି ସମୟରେ ଦେଶର ରାଷ୍ଟ୍ରପତି ଦ୍ରୌପଦୀ ମୁର୍ମ ଓ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ବି ଉପସ୍ଥିତ ରହିବେ ।
ଚଳିତ ବର୍ଷ ବାୟୁସେନା ଦିବସକୁ ଦୁଇ ଭାଗରେ ବାଣ୍ଟି ଦିଆଯାଇଛି । ଶନିବାର ସକାଳେ ଚଣ୍ଡିଗଡ଼ ଏୟାର ବେସରେ ପରେଡର ଆୟୋଜନ କରାଯାଇଛି । ଏହି ସମୟରେ ବାୟୁସେନା ମୁଖ୍ୟ ଏୟାର ଚିଫ୍ ମାର୍ଶଲ ବି ଆର ଚୌଧୁରୀ ପରେଡରେ ସଲାମି ନେବେ ଓ ବାୟୁସୈନିକଙ୍କୁ ସମ୍ବୋଧନ ଦେବେ । ଏହି ଅବସରରେ ଏୟାର ବେସ ଉପରେ ହେଲିକପ୍ଟରର ଦୁଇଟି ଫୋର୍ମେଶନର ଫ୍ଲାଇ ପାଷ୍ଟ ହେବ । ଏହାବ୍ୟତୀତ ବାୟୁସେନାଙ୍କୁ ବୀରତା ମେଡାଲ ପ୍ରଦାନ କରାଯିବ । ଏହି ଅବସରରେ ବାୟୁସେନା ଅଧ୍ୟକ୍ଷ ଏୟାର ଫୋର୍ସର ନୂଆ କଂମ୍ବେଟ ୟୁନିଫର୍ମ ବି ଜାରି କରିବେ ।
ସୂଚନାଯୋଗ୍ୟ, ଆଜି ପର୍ଯ୍ୟନ୍ତ ବାୟୁସେନା ଦିବସର ପରେଡ ଓ ଫ୍ଲାଇ ପାଷ୍ଟ ଦିଲ୍ଲୀକୁ ଲାଗି ରହିଥିବା ହିଂଡନ ଏୟାର ବେସରେ ହେଉଥିଲା । ହେଲେ ଚଳିତ ବର୍ଷ ଏହା ଏହାର ବେସ ବାହାରେ କରିବାର ନିଷ୍ପତ୍ତି ନିଆଯାଇଥିଲା । ଚଳିତ ବର୍ଷ ଏହା ଚଣ୍ଡିଗଡ଼ର ସୁଖନା ଲେକ ଉପରେ ଆୟୋଜନ କରାଯାଇଛି ।