ନୂଆଦିଲ୍ଲୀ,୮।୧୦: ଭାରତୀୟ ବାୟୁସେନା ରବିବାର ଅର୍ଥାତ୍ ଅକ୍ଟୋବର ୮ରେ ତା’ର ୯୧ ତମ ଫାଉଣ୍ଡେସନ ଡେ ବା ସ୍ଥାପନା ଦିବସ ପାଳନ କରୁଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବାୟୁସେନା ଦିବସ ଅବସରରେ ବାୟୁସେନାକୁ ଶୁଭେଚ୍ଛା ଜଣାଇ କହିଛନ୍ତି ଯେ ସେମାନଙ୍କର ମହାନ ସେବା ଏବଂ ବଳିଦାନ ଆମ ଆକାଶର ସୁରକ୍ଷାକୁ ସୁନିଶ୍ଚିତ କରେ। ପ୍ରଧାନମନ୍ତ୍ରୀ କହିଛନ୍ତି ଯେ ଭାରତୀୟ ବାୟୁସେନାର ସାହସିକତା, ପ୍ରତିବଦ୍ଧତା ଏବଂ ଉତ୍ସର୍ଗୀକୃତତା ପାଇଁ ଭାରତ ଗର୍ବିତ।
ପ୍ରଧାନମନ୍ତ୍ରୀ ମଧ୍ୟ ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ରେ ଭାରତୀୟ ବାୟୁସେନାର ସାହସକୁ ଅଭିବାଦନ ଜଣାଇ ଏକ ଭିଡିଓ ସେୟାର କରିଛନ୍ତି। ପ୍ରଧାନମନ୍ତ୍ରୀ ଲେଖିଛନ୍ତି- ବାୟୁସେନା ଦିବସରେ ସମସ୍ତ ବିମାନ କର୍ମଚାରୀ ଏବଂ ସେମାନଙ୍କ ପରିବାରକୁ ଅଭିନନ୍ଦନ। ଭାରତୀୟ ବାୟୁସେନାର ସାହସିକତା, ପ୍ରତିବଦ୍ଧତା ଏବଂ ଉତ୍ସର୍ଗ ପାଇଁ ଭାରତ ଗର୍ବିତ। ସେମାନଙ୍କର ମହାନ ସେବା ଏବଂ ବଳିଦାନ ଆମ ଆକାଶର ସୁରକ୍ଷାକୁ ସୁନିଶ୍ଚିତ କରେ।