ୱାଶିଂଟନ,୨୧ ।୧୧: ଆମେରିକାର ଅଗାମୀ ରାଷ୍ଟ୍ରପତି ଜୋ ବାଇଡେନ୍ ତାଙ୍କ ଟିମ୍ରେ ଆଉ ଜଣେ ଭାରତୀୟ ମୂଳ ବାସିନ୍ଦା ଆମେରିକୀୟ ମାଲା ଅଡିଗାଙ୍କୁ ଏକ ଗୁରୁତ୍ୱପୂର୍ଣ୍ଣ ସ୍ଥାନ ଦେଇଛନ୍ତି । ବାଇଡେନ୍ ତାଙ୍କ ସହଧର୍ମିଣୀ ଜିଲ ବାଇଡେନ୍ଙ୍କ ପାଇଁ ମାଲାଙ୍କୁ ନୀତି ନିର୍ଦ୍ଦେଶକ ଭାବେ ନିଯୁକ୍ତ କରିଛନ୍ତି । ୨୦୦୮ରେ ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ସମୟରେ ବି ମାଲା ଆଡିଗା କାମ କରି ସାରିଛନ୍ତି । ଆଡିଗା ଜିଲଙ୍କ ଏକ ବରିଷ୍ଠ ପରାମର୍ଶଦାତା ଓ ବାଇଡେନ୍-କମଲା ହାରିସଙ୍କର ବରିଷ୍ଠ ନୀତି ପରାମର୍ଶଦାତା ଭାବେ କାମ କରିଛନ୍ତି । ଏହା ପୂର୍ବରୁ ସେ ବାଇଡେନ ଫାଉଣ୍ଡେଶନରେ ଉଚ୍ଚ ଶିକ୍ଷା ଓ ସେନା ପରିବାର ପାଇଁ ନିର୍ଦ୍ଦେଶକ ଭାବେ କାମ କରିସାରିଛନ୍ତି ।
