ନୂଆଦିଲ୍ଲୀ,୧୩ ।୯: ଶେଷରେ ଭାରତ-ଚାଇନା ସେନାଙ୍କ ମଧ୍ୟରେ ଦୀର୍ଘ ୨ ବର୍ଷ ହେବ ଲାଗି ରହିଥିବା ଗତିରୋଧ ଶେଷ ପର୍ଯ୍ୟାୟରେ ପହଞ୍ଚିଛି । ସୋମବାର ସମ୍ପୂର୍ଣ୍ଣ ଲଦ୍ଦାଖରେ ଗୋଗରା-ହଟସ୍ପ୍ରିଙ୍ଗସ ଅଞ୍ଚଳରେ ପାଟ୍ରୋଲିଂ ପଏଣ୍ଟ ୧୫(ପିପି-୧୫)କୁ ଧ୍ୱଂସ କରି ଦିଆଯାଇଛି । ଦୁଇ ଦେଶ ସେନା ଯୋଜନା ଅନୁଯାୟୀ, ପଛକୁ ହଟିଛନ୍ତି । କେବଳ ଏତିକି ନୁହେଁ ସମ୍ପୂର୍ଣ୍ଣ ପ୍ରୋସେସର ଭେରିଫିକେଶନ ବି କରାଯାଉଛି । ଉକ୍ତ ସ୍ଥାନକୁ ସମ୍ପୂର୍ଣ୍ଣ ସମତୁଲ କରାଯାଇଛି । ବିଶେଷ ସୂତ୍ରର ସୂଚନା ଅନୁଯାୟୀ, ଡିସଏନଗେଜମେଣ୍ଟ ଓ ଭେରିଫିକେଶନ ପ୍ରୋସେସ ସମ୍ପର୍କରେ ଗ୍ରାଉଣ୍ଡ କମାଣ୍ଡରଙ୍କଠାରୁ ସମ୍ପୂର୍ଣ୍ଣ ସୂଚନା ପାଇଁ ଅପେକ୍ଷା କରାଯାଇଛି । ଏପଟେ ଦୁଇ ପକ୍ଷ ପାଟ୍ରୋଲିଂ ପଏଣ୍ଟ ୧୫(ପିପି ୧୫)ରୁ ଅଲଗା ହୋଇଯାଇଛନ୍ତି । ହେଲେ ଡେମଚୋକ ଓ ଦେପସାଙ୍ଗ ଅଞ୍ଚଳରେ ଗତିରୋଧକୁ ଶେଷ କରିବାକୁ ଏବେ ପର୍ଯ୍ୟନ୍ତ କୌଣସି ପ୍ରୋସେସ ହୋଇନାହିଁ ।
ସୂଚନାଯୋଗ୍ୟ, ଭାରତୀୟ ଓ ଚାଇନା ସେନା ୮ ସେପ୍ଟେମ୍ବରରେ ଘୋଷଣା କରିଥିଲେ କି ଗତିରୋଧ ପଏଣ୍ଟ ୧୫ରୁ ସେନାଙ୍କୁ ହଟାଇବା ପ୍ରୋସେସ ଆରମ୍ଭ କରିଦେଇଛନ୍ତି । ଉଭୟ ପକ୍ଷ ସେନା ଏହାବି କହିଥିଲେ କି ଜୁଲାଇରେ ହୋଇଥିବା ହାଇଲେବଲ ସେନା ବାର୍ତ୍ତାର ୧୬ତମ ରାଉଣ୍ଡରେ ଗୋଗରା-ହଟସ୍ପ୍ରିଙ୍ଗସ ଅଞ୍ଚଳରେ ଡିସଏନଗେଜମେଣ୍ଟକୁ ନେଇ ରଣନୀତି ସ୍ଥିର କରାଯାଇଛି । ସେପ୍ଟେମ୍ବର ୯ରେ ବୈଦେଶିକ ମନ୍ତ୍ରଣାଳୟର ପ୍ରବକ୍ତା ଅରିନ୍ଦମ ବାଗଚି କହିଥିଲେ ପିପି-୧୫ରୁ ଡିସଏନଗେଜମେଣ୍ଟ ପ୍ରୋସେସ ସୋମବାର ଶେଷ ହେବ ।
