ଲଣ୍ଡନ,୨୦ା୪: ଆମେରିକାର ପ୍ରତ୍ୟର୍ପଣ ଓ୍ବାରେଣ୍ଟରେ ବ୍ରିଟେନ ପୋଲିସ ଲଣ୍ଡନରୁ ଜଣେ ଭାରତୀୟ ନାଗରିକଙ୍କୁ ଗିରଫ କରିଛି। ଭାରତୀୟ ମୂଳ ସୁନ୍ଦର ନାଗରାଜନଙ୍କ ଉପରେ ଆତଙ୍କବାଦୀ ସଂଗଠନ ହିଜିବୁଲ୍କୁ ଅର୍ଥ ପ୍ରଦାନ କରୁଥିବା ଅଭିଯୋଗ ହୋଇଛି। ମଦୁରାଇରେ ଜନ୍ମିତ ନାଗରାଜନ(୬୫) ଆସନ୍ତା ସପ୍ତାହରେ ଲଣ୍ଡନର ଓ୍ବେଷ୍ଟମିନିଷ୍ଟର ମାଜିଷ୍ଟ୍ରେଟ କୋର୍ଟରେ ହାଜର ହେବେ।
ଆମେରିକାର କର୍ତ୍ତୃପକ୍ଷ ଜାଲିଆତି ଏବଂ ଟଙ୍କା ହେରଫେର ଅଭିଯୋଗରେ ନାଗରାଜନ ସମ୍ମୁଖୀନ ହୋଇଛନ୍ତି। ନାଗରାଜନଙ୍କ ଗିରଫ ପରେ ବ୍ରିଟେନ ପୋଲିସ ଓ୍ବେଲ୍ସରେ (୫୦) ବର୍ଷୀୟ ନାଜିମ ଅହମ୍ମଦ ନାମକ ଅନ୍ୟ ଜଣେ ବ୍ୟକ୍ତିଙ୍କୁ ଗିରଫ କରିଥିଲା। ନାଜିମ ଅହମ୍ମଦ ମଧ୍ୟ ହିଜିବୁଲ୍କୁ ଅର୍ଥ ପ୍ରଦାନ କରୁଥିବା ଅଭିଯୋଗ ହୋଇଛି। ଅଧିକାରୀ କହିଛନ୍ତି, ଏନ୍ଟିଏଫ୍ଆଇୟୁ (ନ୍ୟାଶନାଲ ଟେରରିଷ୍ଟ ଫାଇନାନ୍ସ ଇନଭେଷ୍ଟିଗେସନ ୟୁନିଟ୍) ଦ୍ୱାରା ଜାରି ଅନୁସନ୍ଧାନ ଏବଂ ଗିରଫଦାରୀ ଆତଙ୍କବାଦୀ ଆର୍ଥିକ ତଥା ଅର୍ଥ ହେରଫେର ସହ ଜଡ଼ିତ। ନାଜିମ ଜଣେ ଧନୀ ବ୍ୟକ୍ତି। ଯିଏ କି ହୀରା ବ୍ୟବସାୟ କରନ୍ତି।