୩୦୦୦ କାର ନେଇ ଯାଉଥିବା ମାଲବାହୀ ଜାହାଜରେ ଲାଗିଲା ନିଆଁ, ବୁଡିଯିବା ସମ୍ଭାବନା, ଜଣେ ଭାରତୀୟ ମୃତ, ୨୦ ଆହତ

ଲଣ୍ଡନ,୨୭।୭: ନେଦରଲ୍ୟାଣ୍ଡସ ଉପକୂଳରେ ପ୍ରାୟ ୩୦୦୦ କାର ନେଇ ଯାଉଥିବା ଏକ ମାଲବାହୀ ଜାହାଜରେ ନିଆଁ ଲାଗିଯାଇଥିବା ସୂଚନା ମିଳିଛି। ଏହି ଘଟଣାରେ ଜଣେ ଭାରତୀୟଙ୍କ ମୃତ୍ୟୁ ହୋଇଥିବା ବେଳେ ୨୦ ଜଣ ଆହତ ହୋଇଛନ୍ତି। ନେଦରଲ୍ୟାଣ୍ଡସ କୋଷ୍ଟଗାର୍ଡଙ୍କ ପକ୍ଷରୁ ଚେତାବନୀ ଦିଆଯାଇଛି କି ଏହି ନିଆଁ କିଛିଦିନ ଧରି ଜଳିବ। ଏହାକୁ ଲିଭାଇବାକୁ ପ୍ରୟାସ ଆରମ୍ଭ କରାଯାଇଛି।

ସୂଚନାଯୋଗ୍ୟ, ୧୯୯ ମିଟର ଲମ୍ବ ପାନାମାର କାର୍ଗୋ ଜାହାଜ ଫ୍ରେମାଣ୍ଟଲ ହାଇୱେ ଜର୍ମାନୀରୁ ଇଜିପ୍ଟକୁ ଯାଉଥିଲା କିନ୍ତୁ ମଙ୍ଗଳବାର ରାତିରେ ନେଦରଲ୍ୟାଣ୍ଡସ୍‌ ଉପକୂଳରେ ଜାହାଜରେ ନିଆଁ ଲାଗିଯାଇଥିଲା। ନେଦରଲ୍ୟାଣ୍ଡସରେ ଥିବା ଭାରତୀୟ ଦୂତାବାସ ଏକ ସୋସିଆଲ ମିଡିଆ ପୋଷ୍ଟ ମାଧ୍ୟମରେ କହିଛନ୍ତି ଯେ ଏହି ଦୁର୍ଘଟଣାରେ ଜଣେ ଭାରତୀୟ ନାଗରିକଙ୍କର ମୃତ୍ୟୁ ହୋଇଛି। ଦୂତାବାସ କହିଛି ଯେ ମୃତକଙ୍କ ସମ୍ପର୍କୀୟଙ୍କ ସହ ଯୋଗାଯୋଗ କରାଯାଇଛି ଏବଂ ଶୀଘ୍ର ମୃତଦେହ ଭାରତକୁ ପଠାଯିବ।
ଦୂତାବାସ କହିଛି ଯେ ଏହି ଦୁର୍ଘଟଣାରେ ଆହତ ହୋଇଥିବା ୨୦ଜଣଙ୍କ ସହ ଯୋଗାଯୋଗରେ ଅଛି ଏବଂ କାର୍ଗୋ ଜାହାଜ ଚଳାଉଥିବା କମ୍ପାନୀ ସହ ସମନ୍ବୟ ରକ୍ଷା କରି ସେମାନଙ୍କୁ ସମସ୍ତ ଆବଶ୍ୟକୀୟ ସହାୟତା ଯୋଗାଇ ଦିଆଯାଉଛି।
ଅନୁମାନ କରାଯାଉଛି କି ଜାହାଜରେ ୨୫ଟି ଇଲେକ୍ଟ୍ରିକ କାର ଥିବା ବେଳେ ଗୋଟିଏରେ ନିଅଁା ଲାଗିବାରୁ ଏହା ସବୁଆଡକୁ ବ୍ୟାପିଯାଇଥାଇପାରେ। ଅଗ୍ନୀଶମ ବିଭାଗର କର୍ମୀ ଦୀର୍ଘ ପ୍ରାୟ ୧୬ ଘଣ୍ଟା ହେବ କଠିନ ପରିଶ୍ରମ କରିଥିଲେ ବି ଏବେ ପର୍ଯ୍ୟନ୍ତ ନିଆଁ ଲିଭି ନାହିଁ। ଏବେ ଆଶଙ୍କା କରାଯାଉଛି କି ନିଆଁ ଲିଭାଇବାକୁ ବହୁପରିମାଣରେ ପାଣି ବ୍ୟବହାର ଦ୍ୱାରା ଜାହାଜଟି ବୁଡି ଯିବାର ସମ୍ଭାବନା ରହିଛି।