ଜୟପୁର,୧୬।୧୧: ଟିମ ଇଣ୍ଡିଆର ନୂତନ ଯୁଗ ଆରମ୍ଭ ହୋଇଛି। ନବ ନିଯୁକ୍ତ ମୁଖ୍ୟ କୋଚ ରାହୁଲ ଦ୍ରାଭିଡ ଏବଂ ନୂତନ ଟି-୨୦ ଅନ୍ତର୍ଜାତୀୟ ଅଧିନାୟକ ରୋହିତ ଶର୍ମାଙ୍କ ନେତୃତ୍ୱରେ ଦଳ ପଡିଆକୁ ଓହ୍ଲାଇଥିଲା। ଜୟପୁରର ସୱାଇ ମାନସିଂହ ଷ୍ଟାଡିୟମରେ ଅଭ୍ୟାସ ଅଧିବେଶନରେ ଟିମ ଇଣ୍ଡିଆ ଅଂଶଗ୍ରହଣ କରିଥିଲା। ନ୍ୟୁଜିଲାଣ୍ଡ ବିପକ୍ଷ ତିନି ମ୍ୟାଚ ବିଶିଷ୍ଟ ଟି -୨୦ ସିରିଜର ପ୍ରଥମ ମ୍ୟାଚ ନଭେମ୍ବର ୧୭ରେ ଖେଳାଯିବ। ରାହୁଲ ଦ୍ରାବିଡଙ୍କ ସହ ପାରାସ ହାମବ୍ରେ ଏବଂ ବ୍ୟାଟିଂ କୋଚ ବିକ୍ରମ ରଠୋର ମଧ୍ୟ ଜଡିତ ଥିଲେ। ଅଭ୍ୟାସ ଅଧିବେଶନ ଆରମ୍ଭ କରିବା ପାଇଁ ଏହି ତିନି ଜଣ ଆସିଥିଲ। ଟି -୨୦ ଅନ୍ତର୍ଜାତୀୟ ଅଧିନାୟକ ରୋହିତ ଶର୍ମା ମଧ୍ୟ ଏମାନଙ୍କ ସହ କଥାବାର୍ତ୍ତା କରୁଥିବା ଦେଖିବାକୁ ମିଳିଥିଲା।
ଭାରତ-ନ୍ୟୁଜିଲାଣ୍ଡ ମଧ୍ୟରେ ୩ ମ୍ୟାଚ ବିଶିଷ୍ଟ ଟି -୨୦ ସିରିଜ ଖେଳିବ ଏବଂ ଏହା ପରେ ଦୁଇଟି ଟେଷ୍ଟ ମ୍ୟାଚ ଖେଳିବ। ପ୍ରଥମ ଟି -୨୦ ମ୍ୟାଚ ନଭେମ୍ବର ୧୭ ରେ (ଜୟପୁର), ଦ୍ୱିତୀୟ ଟି -୨୦ ମ୍ୟାଚ ନଭେମ୍ବର ୧୯ରେ(ରାଞ୍ଚି) ଏବଂ ତୃତୀୟ ଟି -୨୦ ମ୍ୟାଚ ନଭେମ୍ବର ୨୧ରେ (କୋଲକାତା)ରେ ଖେଳାଯିବ। କାନପୁର (୨୫-୨୯ ନଭେମ୍ବର) ଏବଂ ମୁମ୍ବାଇ (୩-୭ ଡିସେମ୍ବର) ରେ ଦୁଇଟି ଟେଷ୍ଟ ଖେଳାଯିବ।
New roles 👌
New challenges 👊
New beginnings 👍Energies were high yesterday on Day 1 at the office for #TeamIndia T20I captain @ImRo45 & Head Coach Rahul Dravid. 👏 👏#INDvNZ pic.twitter.com/a8zlwCREhl
— BCCI (@BCCI) November 16, 2021
📸 📸: Some snapshots from #TeamIndia's 1⃣st practice session in Jaipur last evening. #INDvNZ pic.twitter.com/LcQsQVVNuR
— BCCI (@BCCI) November 16, 2021
