ମ୍ୟୁନିକ୍,୨୭ା୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜି ୭ ସମ୍ମିଳନୀରେ ଯୋଗଦେବା ପାଇଁ ରବିବାର ଜର୍ମାନୀର ମ୍ୟୁନିକ୍ରେ ପହଞ୍ଚତ୍ଛନ୍ତି। ଭାରତ ଜି ୭ର ସଦସ୍ୟ ହୋଇ ନ ଥିଲେ ହେଁ ଜର୍ମାନୀ ପକ୍ଷରୁ ସ୍ବତନ୍ତ୍ର ଭାବେ ନିମନ୍ତ୍ରିତ ହୋଇ ମୋଦି ସେଠାକୁ ଯାଇଛନ୍ତି। ମ୍ୟୁନିକ୍ ବିମାନବନ୍ଦରରେ ଅବତରଣ ପରେ ତାଙ୍କୁ ଭବ୍ୟ ସ୍ବାଗତ କରାଯାଇଥିଲା। ପରେ ସେ ଭାରତୀୟ ବଂଶୋଦ୍ଭବମାନଙ୍କୁ ସମ୍ବୋଧନ କରିଥିଲେ। ଭାରତୀୟ ବଂଶୋଦ୍ଭବ ଭାରତର ବିକାଶକୁ ପ୍ରୋତ୍ସାହିତ କରି ଜର୍ମାନୀରେ ନିଜ ଦେଶର ସଫଳତାର ବ୍ରାଣ୍ଡ ଆମ୍ବାସାଡର ସାଜିଥିବା ଅଡି ଡୋମ୍ ଇନ୍ଡୋର ଏରେନାରେ ଆୟୋଜିତ କାର୍ଯ୍ୟକ୍ରମରେ ମୋଦି ପ୍ରଶଂସା କରିଥିଲେ।
ଦୁଇଦିନିଆ ଗସ୍ତ ବେଳେ ସେ ଜି ୭ ଏବଂ ଅତିଥି ରାଷ୍ଟ୍ରଗୁଡ଼ିକର ନେତାଙ୍କ ସହ ସାକ୍ଷାତ୍ କରି ପରିବେଶ, ଶକ୍ତି, ଜଳବାୟୁ, ଖାଦ୍ୟ ସୁରକ୍ଷା, ସ୍ବାସ୍ଥ୍ୟ, ଆତଙ୍କବାଦ ମୁକାବିଲା, ଲିଙ୍ଗଗତ ସମାନତା ଓ ଗଣତନ୍ତ୍ର ଭଳି ସାମ୍ପ୍ରତିକ ପ୍ରସଙ୍ଗଗୁଡ଼ିକ ଉପରେ ଭାବ ବିନିମୟ କରିବେ। ଏହା ପରେ ୨୮ ତାରିଖରେ ମୋଦି ସଂଯୁକ୍ତ ଆରବ ଏମିରେଟ୍ସ (ୟୁଏଇ) ଗସ୍ତ କରି ପରଲୋକଗତ ରାଷ୍ଟ୍ରପତି ତଥା ଆବୁଧାବି ଶାସକ ଶେଖ୍ ଖଲିଫା ବିନ୍ ଜାୟେଦ୍ ଅଲ୍ ନହ୍ୟାନ୍ଙ୍କୁ ଶ୍ରଦ୍ଧାଞ୍ଜଳି ଦେବେ।
