ନୂଆଦିଲ୍ଲୀ,୨୨ା୩: ବର୍ତ୍ତମାନ ସମୟରେ ଦେଖାଦେଇଥିତ୍ବା ବିଶ୍ୱ ଭୌଗୋଳିକ ପରିସ୍ଥିତି ସବୁ ରାଷ୍ଟ୍ର ପାଇଁ ଚିନ୍ତାର କାରଣ ପାଲିଟିଛି। ଏପରିକି ଜାତୀୟ ଓ ଅନ୍ତର୍ଜାତୀୟ ସମସ୍ୟା ଓ ମାନ୍ଦାବସ୍ଥା ଯୋଗୁ ସାରା ବିଶ୍ୱ ଏପରିକି ରାଷ୍ଟ୍ର (ଭାରତ)ରେ ମଧ୍ୟ ବିଭିନ୍ନ ପ୍ରକାର ପ୍ରଭାବ ପରିଲକ୍ଷିତ ହେଉଛି। ବିଶେଷକରି ବିଶ୍ୱ ଅର୍ଥନୀତି ତୁଳନାରେ ଭାରତର ଅର୍ଥନୀତି ବହୁତ ଭଲ ରହିଛି। ଏପରିକି ୨୦୨୨-୨୩ ଆର୍ଥିକ ବର୍ଷରେ ଭାରତ ହାସଲ କରିଥିବା ଅର୍ଥନୀତିସ୍ତରରେ କୌଣସି ପ୍ରଭାବ ପଡ଼ିବ ନାହିଁ। ସେହିଭଳି ଦେଶରେ ସୃଷ୍ଟି ହୋଇଥିବା ଅର୍ଥନୀତି ବିସ୍ତାରର ଗତି ମନ୍ଥର ହେବ ନାହିଁ। ଏପରିକି ଗତ ଚଳିତ ଆର୍ଥିକ ବର୍ଷର ସ୍ଥିତି ଆସନ୍ତା ଆର୍ଥକ ବର୍ଷରେ ମଧ୍ୟ ଉକ୍ତ ଧାରା ବଜାୟ ରହିବ ବୋଲି ମଙ୍ଗଳବାର ଭାରତୀୟ ରିର୍ଜଭ ବ୍ୟାଙ୍କ (ଆର୍ବିଆଇ)ର ଏକ ଆର୍ଟିକିଲରେ ଏଭଳି କୁହାଯାଇଛି। ବିଶେଷ କରି ଆର୍ବିଆଇ ବୁଲେଟିନ୍ର ୨୦୨୩ ମାର୍ଚ୍ଚ ସଂସ୍କରଣରେ ପ୍ରକାଶିତ ଭାରତୀୟ ଅର୍ଥନୀତିର ସ୍ଥିତି ଉପରେ ବିସ୍ତୃତ ଆଲୋକପାତ ଆର୍ଟିକିଲରେ କରାଯାଇଛି। ସେହିପରି ଚଳିତ ଆର୍ଥିକ ଭଳି ଆସନ୍ତା ଆର୍ଥିକ ବର୍ଷରେ ଯେତେ ଅସୁବିଧା ହେଉନା କାହିଁକି ଆମେ ଦେଶର ଅର୍ଥନୀତିକୁ ନେଇ ଯଥେଷ୍ଟ ଆଶାବାଦୀ ରହିଛୁ। ଏପରିକି ଜାତୀୟ ପରିସଂଖ୍ୟାନ କାର୍ଯ୍ୟାଳୟ(ଏନ୍ଏସ୍ଓ)ର ୨୦୨୩ ଫେବୃୟାରୀ ତଥ୍ୟ ପ୍ରକାଶନ ସୂଚିତ କରେ ଯେ ଭାରତୀୟ ଅର୍ଥବ୍ୟବସ୍ଥା ବିଶ୍ୱର ଅନ୍ୟ ରାଷ୍ଟ୍ର ଅପେକ୍ଷା ଯଥେଷ୍ଟ ଉନ୍ନତ ରହିଛି, ଯାହା ମୁଖ୍ୟତଃ ଏହାର ପ୍ରଦର୍ଶିତ ସ୍ଥିରତା ଏବଂ ଘରୋଇ ବଜାରଗୁଡ଼ିକ ଉପରେ ନିର୍ଭରଶୀଳ ବୋଲି କୁହାଯାଉଛି। ପରିଶେଷରେ ଉକ୍ତ ପ୍ରବନ୍ଧ ଆର୍ବିଆଇର ଡେପୁଟି ଗଭର୍ନର ମାଇକେଲ ଦେବବ୍ରତ ପାଟ୍ରାଙ୍କ ନେତୃତ୍ୱରେ ଏକ ଟିମ୍ ବିସ୍ତୃତ ଭାବେ ଗବେଷଣାକରି ଲେଖିଛନ୍ତି। ଏପରିକି ଏହାର ଲେଖକମାନେ ଆହୁରି ମଧ୍ୟ କହିଛନ୍ତି, ୨୦୨୩-୨୪ ଆର୍ଥିକ ବର୍ଷରେ ଭାରତର ପ୍ରକୃତ ଜିଡିପି ଚଳିତ ଆର୍ଥିକ ବର୍ଷରେ ୧୫୯.୭ ଲକ୍ଷ କୋଟିରୁ ୧୭୦.୯ ଲକ୍ଷ କୋଟିକୁ ବୃଦ୍ଧି ହୋଇପାରେ। ବିଶେଷକରି ଏହା ଏକ ସରଳ ଗାଣିତିକ, ଅର୍ଦ୍ଧ ସମୟରେ କୌଣସି ଅଡ୍ ନୁହେଁ। ବିଶ୍ୱ ଅର୍ଥନୀତି ତୁଳନାରେ ଭାରତ ୨୦୨୨-୨୩ ଆର୍ଥିକ ବର୍ଷରେ ହାସଲ କରିଥିବା ବିସ୍ତାରର ଗତି ବଜାୟ ରଖିବ। ଯେତେ ଅସୁବିଧା ହେଉନା କାହିଁକି ଆମେ ଭାରତ ଉପରେ ଆଶାବାଦୀ ରହିଛୁ ବୋଲି ଉକ୍ତ ପ୍ରବନ୍ଧରେ ବିସ୍ତୃତ ଉଲ୍ଲେଖ କରାଯାଇଛି। ଉଲ୍ଲେଖଯୋଗ୍ୟ, ୨୦୨୩-୨୪ ଆର୍ଥକ ବର୍ଷ ପାଇଁ ଭାରତର ପ୍ରକୃତ ଜିଡିପି ଅଭିବୃଦ୍ଧିର ବର୍ତ୍ତମାନ ଉପଲବ୍ଧ ପୂର୍ବାନୁମାନ, ଆର୍ବିଆଇ ସହ ୬ରୁ ୬.୫% ମଧ୍ୟରେ ସ୍ଥିର ହୋଇଛି। ଏପରିକି କେନ୍ଦ୍ରୀୟ ବ୍ୟାଙ୍କ କହିଛି, ଉକ୍ତ ପ୍ରବନ୍ଧରେ ଦର୍ଶାଯାଇଥିବା ମତଗୁଡ଼ିକ ଲେଖକଙ୍କ ମତ ଏବଂ ଏହା ଆର୍ବିଆଇର ମତକୁ ପ୍ରତିନିଧିତ୍ୱ କରେ ନାହିଁ।