ନୂଆଦିଲ୍ଲୀ,୨୧।୮: ଗୁଗ୍ଲ କ୍ରୋମ ବେଶ୍ ଲୋକପ୍ରିୟ ଓ୍ବେବ-ବ୍ରାଉଜର ଅଟେ। ମୋବାଇଲ୍, ଲାପଟପ କିମ୍ବା କମ୍ପ୍ୟୁଟରରେ ବ୍ରାଉଜିଂ ପାଇଁ ପ୍ରାୟ ଅଧିକାଂଶ ୟୁଜର୍ସ ଗୁଗ୍ଲ କ୍ରୋମ ବ୍ୟବହାର କରନ୍ତି। ଗୁଗ୍ଲ କ୍ରୋମ ୟୁଜର୍ସଙ୍କୁ ଭାରତ ସରକାର ଚେତାବନୀ ଦେଇଛନ୍ତି। ଆଇଟି ମନ୍ତ୍ରଣାଳୟର ଇଣ୍ଡିଆନ୍ କମ୍ପ୍ୟୁଟର ଏମରଜେନ୍ସି ରେସପନ୍ସ ଟିମ୍(ସିଇଆର୍ଟି-ଇନ୍)ପକ୍ଷରୁ ଏହି ଚେତାବନୀ ଦିଆଯାଇଛି। ସିଇଆର୍ଟି-ଇନ ଅନୁଯାୟୀ, ଗୁଗ୍ଲ କ୍ରୋମରେ କିଛି ତ୍ରୁଟି ଦେଖିବାକୁ ମିଳିଛି, ଯେଉଁ କାରଣରୁ ହ୍ୟାକମାନେ ଏହାର ଫାଇଦା ଉଠାଇ ସହଜରେ କମ୍ପ୍ୟୁଟରକୁ ହ୍ୟାକ କରିପାରିବେ। ଏହି ଚେତାବନୀ କେବଳ ଡେକ୍ସଟପ୍ ୟୁଜର୍ସଙ୍କ ପାଇଁ ଜାରି କରାଯାଇଛି। ସିଇଆର୍ଟି-ଇନ ପୂର୍ବରୁ ଆପଲ ଆଇଓଏସ, ଆପଲ ଆଇପ୍ୟାଡ ଏବଂ ମାକୋସରେ ତ୍ରୁଟି ବିଷୟରେ ଚେତାବନୀ ଦେଇଥିଲା।
ହ୍ୟାକିଂକୁ ଏଡାଇବା ପାଇଁ, ୟୁଜର୍ସମାନେ ପ୍ରଥମେ ସେମାନଙ୍କର ଗୁଗ୍ଲ କ୍ରୋମର ଲାଟେଷ୍ଟ ଭର୍ସନ ଅପଡେଟ କରିବା ଆବଶ୍ୟକ। ଆହୁରି ମଧ୍ୟ ୟୁଜର୍ସ ଅଜ୍ଞାତ ଲିଙ୍କରେ କ୍ଲିକ କରିବା ଏବଂ ଅଜ୍ଞାତ ଭିଜ୍ିଟ୍ କରିବା ଠାରୁ ଦୂରେଇ ରହିବା ଉଚିତ।