ନୂଆଦିଲ୍ଲୀ,୮।୧: ଚାଇନାକୁ ଚୋରା ଚାଲାଣ ହେଉଛି ଭାରତୀୟଙ୍କ କେଶ। ଏନେଇ ଖୁଲାସା କରିଛି ଭାରତ ସରକାରଙ୍କ ଡାଇରକ୍ଟେ ରେଭେନ୍ୟୁ ଇଣ୍ଟେଲିଜେନ୍ସ (DRI)। ତିରୁପତି ବାଲାଜୀ ସମେତ ଦକ୍ଷିଣ ଭାରତର ଅନେକ ମନ୍ଦିରରୁ ମାନବ କେଶ ଚୋରି ହୋଇ ବିହାର ଦେଇ ନେପାଳକୁ ନିଆଯାଉଛି। ଏହି କେଶକୁ ନେପାଳ ଦେଇ ଚାଇନାକୁ ପରିବହନ କରାଯାଉଛି। ପଶ୍ଚିମବଙ୍ଗର ଦୁଇଜଣ ଚୋରା ଚାଲାଣକାରୀଙ୍କ ସହ ବିହାରର ଜଣେ ବ୍ୟକ୍ତିଙ୍କୁ ମଧ୍ୟ ଚୋରା କାରବାର ହେଉଥିବା ଜଣାପଡିଛି। ଡିଆରଆଇ ଟିମ୍ ତାଙ୍କୁ ପଚରାଉଚରା କରୁଛି।
ବିହାର-ନେପାଳ ସୀମା ନିକଟ ମଧୁବାନୀରେ ଡିଆରଆଇର ଏହି ଖୁଲାସା ସାମ୍ନାକୁ ଆସିଛି। ଗିରଫ ଚୋରା ଚାଲାଣକାରୀଙ୍କ ମଧ୍ୟରୁ ଦୁଇଜଣ ପଶ୍ଚିମବଙ୍ଗର ମୁର୍ସିଦାବାଦ ଜିଲ୍ଲାର ହୋଇଥିବାବେଳେ ଜଣେ ବିହାରର ମଧୁବାନୀ ଜିଲାର। ଗୁପ୍ତ ସୂଚନା ଆଧାରରେ ଇଣ୍ଟେଲିଜେନ୍ସ ଦଳ ଏହି ପଦକ୍ଷେପ ନେଇଛନ୍ତି। ତିରୁପତି ବାଲାଜୀ ମନ୍ଦିରରେ ଆୟୋଜିତ ଟନସୁରରୁ ଅଧିକାଂଶ କେଶ ସଂଗ୍ରହ କରାଯାଇଛି। କେଶର ମୂଲ୍ୟ ପ୍ରାୟ ୮୦ ଲକ୍ଷ ଟଙ୍କା ହେବ ବୋଲି ଆକଳନ କରାଯାଇଛି।
