ପଠାଣକୋଟ,୧୫।୧୧ : ପୁଣିଥରେ ପଠାଣକୋଟର ବାମିୟାଲ ସେକ୍ଟରରେ ଭାରତୀୟ ସୀମା ଭିତରକୁ ପାକିସ୍ତାନୀ ଡ୍ରୋନର ଅନୁପ୍ରବେଶ ଉଦ୍ୟମ ପଣ୍ଡ ହୋଇଛି। ବିଏସଏଫ ଯବାନଙ୍କ ଗୁଲି ଫାୟରିଂଯୋଗୁ ୁ ପାକିସ୍ତାନୀ ଡ୍ରୋନ ଫେରି ଯାଇଥିଲା। ଏହି ଘଟଣା ପରେ ପୋଲିସ ଏବଂ ବିଏସଏଫ ଦ୍ୱାରା ସମଗ୍ର ଅଞ୍ଚଳକୁ କର୍ଡନ କରାଯାଇଥିଲା ଏବଂ ସର୍ଚ୍ଚ ଅପରୋନ ଆରମ୍ଭ ହୋଇଛି। ସୋମବାର ବିଳମ୍ବିତ ରାତିରେ ଡ୍ରୋନ ଅନୁପ୍ରବେଶ ଘଟଣା ଘଟିଛି।
ସୋମବାର ବିଳମ୍ବିତ ରାତିରେ ସୀମାରେ ପୋଷ୍ଟ ହୋଇଥିବା ବିଏସଏଫ ଯବାନ ପାକିସ୍ତାନୀ ଡ୍ରୋନର ଗତିବିଧି ବିଓପି ବାମିୟାଲ ସୀମାର ଏନଟିପି ଅଞ୍ଚଳରେ ଦେଖିବାକୁ ପାଇଥିଲେ। ଏହା ଉପରେ ତୁରନ୍ତ ବିଏସଏଫ ଯବାନମାନେ ୧୦ ରାଉଣ୍ଡ ଗୁଳି ଚଳାଇଥିଲେ। ଡ୍ରୋନର ଅବସ୍ଥାନ ଜାଣିବା ପାଇଁ ତିନୋଟି ଇଲୁ ବୋମା ମଧ୍ୟ ଛଡା ଯାଇଥିଲା। ପ୍ରାୟ ଏକ ମିନିଟର ଏହି କାର୍ଯ୍ୟ ପରେ ପାକିସ୍ତାନୀ ଡ୍ରୋନ ଫେରି ଯାଇଥିଲା।
ଏହାପୂର୍ବରୁ ମଧ୍ୟ ଏହି ଅଞ୍ଚଳରେ ପାକିସ୍ତାନ ପକ୍ଷରୁ ଡ୍ରୋନ ଅନୁପ୍ରବେଶ କରିବାକୁ ଚେଷ୍ଟା କରାଯାଇଛି। ଏଥିସହିତ ସ୍ଥାନୀୟ ପୋଲିସ ସୂଚନା ପାଇବା ପରେ ଡିଏସପି ଅପରେଶନ ସୁଖରାଜ ସିଂ ଏବଂ ପୋଲିସ ଷ୍ଟେଶନ ଦାୟିତ୍ୱରେ ଥିବା ଦୀପକ କୁମାର ପୋଲିସ ଦଳ ସହିତ ପହଞ୍ଚିଥିଲେ। ପୋଲିସ ଏବଂ ବିଏସଏଫ ସମ୍ଭାବ୍ୟ ସ୍ଥାନରେ ସର୍ଚ୍ଚ ଅପରେଶନ କରିଥିଲେ। ତଥାପି, କୌଣସି ସନ୍ଦେହଜନକ ସନ୍ଧାନ ମିଳି ନଥିଲା। ଏହି ପ୍ରସଙ୍ଗରେ ଡିଏସପି ଅପରେସନ ସୁଖରାଜ ସିଂ କହିଛନ୍ତି ଯେ ବିଏସଏଫ ଦ୍ୱାରା ପାକିସ୍ତାନୀ ଡ୍ରୋନର ଅନୁପ୍ରବେଶ ଦେଖିବା ପରେ ଉକ୍ତ ଅଞ୍ଚଳରେ ସର୍ଚ୍ଚ ଅପରେଶନ ଆରମ୍ଭ ହୋଇଛି। ମାତ୍ର କୌଣସି ସନ୍ଦେହଜନକ ଜିନିଷ ମିଳିନାହିଁ ।