ନୂଆଦିଲ୍ଲୀ,୧୫।୧: ସୋମବାର ଶେୟାର ବଜାର ଖୋଲିବା ମାତ୍ରେ ନୂଆ ରେକର୍ଡ କରିଛି ସେନସେକ୍ସ। ବମ୍ବେ ଷ୍ଟକ ଏକ୍ସଚେଞ୍ଜ(ବିଏସଇ) ସୁଚକାଙ୍କ ସେନ୍ସେକ୍ସ ପ୍ରଥମ ଥର ପାଇଁ ୭୩ ହଜାର ପଏଣ୍ଟ ଅତିକ୍ରମ କରିଛି। ସେହିପରି ନ୍ୟାସନାଲ ଷ୍ଟକ ଏକ୍ସଚେଞ୍ଜ(ଏନଏସଇ)ର ନିଫ୍ଟି ମଧ୍ୟ ସର୍ବକାଳୀନ ଉଚ୍ଚରେ ପହଞ୍ଚିଛି ଏବଂ ୨୨,୦୦୦ ସ୍ତର ଅତିକ୍ରମ କରିଛି। ସୋମବାର ପୁରା ଦେଶରେ ମକର ସଂକ୍ରାନ୍ତିଙ୍କ ପର୍ବ ପାଳନ କରାଯାଉଛି ଏବଂ ଏହି ଦିନରେ ଭାରତୀୟ ବଜାର ପାଇଁ ଶୁଭକାମନା ସହିତ ଆରମ୍ଭ ହୋଇଛି ଏବଂ ରେକର୍ଡ ସ୍ତର ସହିତ ଭାରତୀୟ ଷ୍ଟକ୍ ମାର୍କେଟ ଖୋଲିଛି।
ୱିପ୍ରୋ ଏବଂ ଏଚସିଏଲଟେକ ଭଳି ଆଇଟି ଶେୟାର ଗୁଡ଼ିକରେ ଆଶାଠାରୁ ଅଧିକ ଭଲ ପ୍ରଦର୍ଶନ କାରଣରୁ ବଜାରରେ ଏହି ଉତ୍ସାହ ପରି ଲଖିତ ହୋଇଛି। ତୃତୀୟ ତ୍ରୈମାସିକ ଫଳାଫଳ ଚାହିଦା ସ୍ଥିରତା ଏବଂ ଅଭିବୃଦ୍ଧିର ରେକର୍ଡ ହେବା ପରେ ଆଇଟି ସେବା ପ୍ରଦାନକାରୀ ୱିପ୍ରୋ ଏବଂ ଏଚସିଏଲଟେକର ଶେୟାର ଯଥାକ୍ରମେ ୧୦% ଏବଂ ୪% ବୃଦ୍ଧି ପାଇଲା। ଖବର ଲେଖା ଯିବା ସୁଦ୍ଧା ବିଏସଇ ସେନସେକ୍ସ ୬୫୬ ପଏଣ୍ଟ ବା ୦.୯୦% ବୃଦ୍ଧି ସହିତ ୭୩,୨୨୫ ପଏଣ୍ଟରେ କାରବାର କରୁଥିଲା ବେଳେ ନିଫ୍ଟି୫୦ ୧୬୭ ପଏଣ୍ଟ ବା ୦.୮୧% ବୃଦ୍ଧି ସହ ୨୨,୦୭୧ ପଏଣ୍ଟରେ କାରବାର କରୁଛି।